
Li Qamişloyê têkoşerên meha tebaxê hatin bibîranîn  

2019-08-30 09:13:05


	&nbsp;

	QAMIŞLO - Bi pêşengtiya Meclîsa Malbatên Şehîdan bi merasimek girseyî &nbsp;têkoşerên azadiyê ya meha tebaxê hatin bibîranîn.

	&nbsp;

	Bi armanca şehîdên meha tebaxê bi pêşengtiya Meclîsa Malbatên Şêhîdan têkoşerên azadiyê li Qamişloyê li Goristana Delîl Saruxan hatin bibîranîn. Bi tevlîbûna sazî û dezgehên Rêveberiya Xweser a Demokratî û Malbatên Şêhîdan merasîma bîranînê bi deqeyek rêzgirtin ji bo pakrewanên azadiyê dest pê kir. Paşê li ser navê Meclîsa Malbatên Şêhîdan Mihyedîn Hesen ji malbatên têkoşerên azadiyê re sersaxî xwest û got: "Li hember hemû êrîşan dayik û bavên têkoşerên azadiyê li ser piyan in."

	&nbsp;

	Mihyedîn bal kişand ser deskeftiyên têkoşerên azadiyê û wiha got: "Deskeftiyên ku îro me bi dest xist bi saya têkoşerên azadiyê bû. Divê ku em xwediyê xwîna zarokên xwe derkevin û li ser şopa wan li pê heqiqetê bimeşin. Îro em bi saya têkoşerên azadiyê bûn hêz. Li hember hemû êrîşan dayik û bavên têkoşerên azadiyê li ser piyan in û deskeftiyên zarokên xwe diparêzin. Em soz didin ku em ê şopdarên rêya têkoşerên azadiyê bin."

	&nbsp;

	Piştî axaftinan nasnameyên têkoşerên meha tebaxê hat xwendin.&nbsp;

	&nbsp;