
Çalkiyên dengderxistinê yên li dijî qeyûman berdewam kirin 

2019-08-25 10:16:44


	&nbsp;

	NAVENDA NÛÇEYAN - Li dijî qeyûman li gelek navendan çalakiyên dengderxistinê û vemirandina lampeyan hatin kriin. Gel peyama xwe ya ku qeyûman naxwazin dubare kir.&nbsp;

	&nbsp;

	Partiya Demokratîk a Gelan (HDP) çalakiya xwe ya dengderxistinê û vemirandina lampeyan ya li dijî qeyûmên ku tayînî Şaredariya Bajarê Mezin a Amedê, Mêrdînê û Wanê hatin kirin duh êvarê jî berdewam kir. Welatî her roj êvarê saet di 20.00'an de qeyûman şermezar dikin.&nbsp;

	&nbsp;

	Di çarçoveya çalakiya dengderxistinê de duh êvarê li navçeyên navendî Sûr, Rezan, Yenîşehîr û Peyasê yên Amedê li dijî tayînkirina qeyûman &nbsp;çalakiya dengderxistinê di roja 3'yemîn de berdewam kir.&nbsp;

	&nbsp;

	Li Sûrê çalakî

	&nbsp;

	Li navçeya dîrokî ya Sûrê parlamenterên HDP’ê Feleknas Uca, Saliha Aydeniz, Garo Paylan, rêveberên HDP’ê jî di nav degellek welatî li taxên navçeyê belav bûn û çalakî pêk anîn. Kom bi kom li kolan û kuçeyên taxan geriyan û li fîrfîrikan dan û li derabeyan dan û deng derxistin. Welatiyan bênavber dirûşmên “Amed ya me ye”, “Amed ranekeve xwedî li vîna xwe derkeve” û “Qeyûmê AKP’ê ji şaredariyê bicihime” berz kirin. Her wiha li ser kolana Melîk Ahmedê jî hin welatiyan li fîrfîrikê xistin û hin ajokaran jî li qornayên wesayîtên xwe dan û deng derxistin.&nbsp;

	&nbsp;

	Li taxên navçeyên Rezan, Peyas û Yenîşehîrê jî welatiyan li şaneşîn û hewşên malên xwe li teyfik û beroşan xistin û deng derxistin. Her wiha welatiyan lembeyên malên xwe jî temirandin û pêxistin. Welatiyan dirûşme berz kirin û pêkanînên li dijî vîna xwe şermezar kirin.

	&nbsp;

	Çalakî li Şirnê jî hain berdewamkirin

	&nbsp;

	Li navçeyên Şirnexê Cizîr û Sîlopiyê &nbsp;çalakiya dengderxisitnê hat lidarxistin. Li Cizîrê gelek weatiyên ku derketin şaneşînan û li dijî qeyûm bi beroş û teyfikên di destên xwe de çalakî pêk anînin û li gelek deverên bajêr jî lampe hatin pêxisitn û vemirandin.&nbsp;

	&nbsp;

	Herwiha li Sîlopiyê jî li gelek devera ngel li dijî qeyûman çalakiya dengderxistinê li dar xist.&nbsp;

	&nbsp;

	Li Wanê polîs êrîşî dawetê kir

	&nbsp;

	Li Wanê jî çalakiyên cur bi cûr yên dengderxistinê hatin kirin. Lê i kolanan meş jî aht lidarxistin û agirbaz jî hatin firandin. Polîsan li taxa karşiyakayê bi bombeya gazê êrîşî dawetê kir. Di encamê de gelek jin û zarok neyînî bi bandor bûn û xwediyên dawetê bertek nîşanî polîsan dan.

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;