
Dayika Aştiyê ya girtî Mevluda Başdaş rakirin nexweşxaneyê 

2019-08-23 15:30:58


	&nbsp;

	ÎZMÎR - Dayika Aştiyê ya girtî û ji sedî 86 astengdar û 62 salî Mevlude Başdaş a ku li Girtîgeha Jinê ya Girtî ya Şakranê tê girtin bi gumana nexweşiya weremê li hucreya yekkesî dihat girtin. Mevludeyê ji ber ku xwîn verşiya rakirin nexweşxaneyê.&nbsp;

	&nbsp;

	Bi hinceta beşdarî çalakiya mertalên zindî ya li Çiyayê Bagokê yê Nisêbîna Mêrdînê bûye 4 sal 2 meh ceza li Dayika Aştiyê ya 62 salî Mevlûde Başdaş hatibû birîn. Mevlude Başdaş a ku li Girtîgeha Jinê ya Girtî ya Şakranê tê girtin bi gumana nexweşiya weremê li hucreya yekkesî dihat girtin. Mevludeyê ji ber ku xwîn verşiya rakirin nexweşxaneyê.&nbsp;

	&nbsp;

	'Divê demildest serbest bê berdan'

	&nbsp;

	Keça Mevlude, Berivan Başdaş derbarê dayika xwe ya ku rakirine Nexweşxaneya Dewletê ya Yeşilyurtê agahî da û got:"Dayika min duşema borî bi gumana nexweşiya weremê rakiribûn Nexweşxaneya Dewletê ya Katip Çelebî û piştre hat taburcukirin. Lê îro serê sibehê dayika min dîsa xwîn verşiya û ew rakirin nexweşxaneyê. Li girtîgehê xweşik dermanan nadin diya min. Tansiyon, şekir û nexweşiyên wekî din ên diya min hene. Lê diya min bi rêk û pêk nayê tedawîkirin. Divê demildest serbest bê berdan."

	&nbsp;

	'Nizanim ka dayika min dijî yan najî'

	&nbsp;

	Lawê Mevlude, Metin Başdaş jî diyar kir ku ew nizanin ka niha dayika wan dijî yan najî û wiha got:"Nûner û rêveberiya girtîgehê agahiyên zelal nadin me. Di sala dawî de dayikan min tim li nexweşxaneyan e. Dewlet dixwaze diya me bimire û cenazeyê wê teslîmî me bikin. Ji bo vê yekê jî çi ji destên wan tê dike. Madem diya min tedawî nakin wê demê bila berdin."

	&nbsp;

	&nbsp;