
Li Wanê çalakiya rûniştinê dest pê kir  

2019-08-23 15:28:54


	&nbsp;

	WAN - Li Wanê çalakiyên şermezarkirinê ya li hemberî tayînkirina qeyûman a li Şaredariyên Bajarên Mezin ên Wan, Amed û Mêrdînê didomin. Îro li Wanê HDP'yî li Cadeya Cumhuriyetê dest bi çalakiya rûniştinê kirin.&nbsp;

	&nbsp;

	Çalakiya şermezarkirinê ya bi minasebeta tayînkirina qeyûman hat destpêkirin 5 roj in li Amed, Wan û Merdinê didomin. Welatî û HDP'yî li ber avahiya şaredariyê û li kolanan li gel astengî û mudaxaleyên tund ên polîsan çalakiyên xwe bê navber didomînin.&nbsp;

	&nbsp;

	Li Wanê jî çalakiyên şermezarkirinê bê navber didomin. Her wiha serdanên sazî û dezgehên rêxistinên sivîl jî ya ji bo HDP'ê jî didomin. Welatî, parlamenter, hevşaredar, hevserok, rêveberên HDP'ê îro dîsa li Cadeya Cumhuriyetê dest bi çalakiya rûniştinê kirin.&nbsp;

	&nbsp;

	Her wiha parlamenter Erdal Aydemîr, Şevîn Coşkun, Muazzez Orhan, Murat Sarisaç, Fatma Kurtulan, Saît Dede û hevşaredar Bedîa Ozgokçe Ertan û Mustafa Avci û her wiha hevserokên bajêr Ûmît Dede û Yadişen Karabulak tevlî çalakiyê bûn.&nbsp;

	&nbsp;

	Her wiha polîsan nehişt ku çapemenî nêzî çalakiya rûniştinê bibin.&nbsp;