Li Ewropayê 34 saziyan li dijî qeyûman banga têkoşîne kir 

2019-08-20 16:29:56


	 

	NAVENDA NÛÇEYAN - Li Ewropayê ji 34 partî û rêxistinên civaka sivîl, li dijî tayînkirina qeyûman a li şaredariyên HDP'ê banga têkoşîna hevpar kirin.  

	 

	34 saziyên li Ewropayê n daxuyaniyeke hevpar dan, gotin, bi têkoşîna hevpar ew ê êrîşa qeyûman bişkînin. Di daxuyaniya saziyan de, ku di nav wan de KCDK-E, AvEG-KON, Înîsiyatîva yên ji Behrareş a Ewropayê, organîzasyonên dînî, Asûr û Sûryanî hene, bal kişanin ser dagirkeriya qeyûman a li ser Şaredariyên Bajarên Mezin ên Amed, Wan û Mêrdînê.

	 

	Di daxuyaniyê de hat diyar kirin ku Şaredariyên Bajarên Mezin ên Amed, Wan û Mêrdînê di 19'ê tebaxê de dîsa bi qeyûmê hatin dagirkirin û wiha hat gotin: "Em saziyên demokratîk ku li Ewropayê têdikoşin, em diyar dikin ku em vê êrîşa dîktatoriya faşîst a AKP'ê ya li ser gelê me, li dijî vîna demokratîk a gelê me yê Kurd qebûl nakin. Em dixwazin şaredarên ku hatine hilbijartin demildest peywira wan dîsa li wan were vegerandin. Em careke dî dewletên Ewropayê ku desteka leşkerî, siyasî û aborî didine dîktatoriya faşîst şermezar dikin."

	 

	Navê saziyên ku qeyûm şermezar kirin wiha ye: "KCDK-E (Kongreya Civaka Kurdistaniyên Demokratîk li Ewropayê), Nûnertiya Dêra Ortodox Suryan Asûriyên Îskandinavya û Ewropoyê, AvEG-KON (Konfederasyona Penaberan Bindest ên Ewropa), TJK-E (Tevgera Jinên Kurd li Ewropayê), ESU (Yekîtiya Suryanên li Ewropa), PIK (Partiya Îslama Kurdistan), NOR-ZARTONK Ewropa (Rêxistina Ermenî), ATIK (Konfederasyona Karkerên Tirkiyeyî li Ewropa), Înîsyatîfa Karadeniziyên Ewropayê, ADHK (Konfederasyona Gelên Demokratîk ên Ewropa), Partiya Şoreşger-Ewropa, Tevgera Yenî Kadin (Jina Nû), NAV-YEK (Federasyona Komeleya Êzidiyên Ewropa), Partiya Çep a Kesk a Ewropayê, KKP (Partiya Komunîst a Kurdistan), MSD (Meclîsa Şengal Diaspora), CÎK (Civaka Îslamiya Kurdistan), SKB (Yekîtiya Jinên Sosyalîst), Yaşanacak Dunya (Cîhana bê Jiyîn), Mala Gel a Kurdistan e.V., FIDEF(Federasyona Komeleya Karkerên Federal Elmanya), FEDA (Federasyona Demokratîk a Elewiyan), ASM (Meclîsa Sirgunên Ewropa), Platroma Koçgiriyên Ewropa, Kongreya Ji Nû ve Avakirina Dersimê, Kurdische Gemeinde Stuttgart e.V, (Forma Aşitî Ewropa ya li Dijî şer û Dîktatoriyê), Kongreya Gel (Asûrî - Suryanî), MDDK (Kongreya Guhertina Demokratîk a Mezopotamya), Komeleya Alternatîf a Elmanya, Partiya Azadî ya Mezopotamya (Partiya Asûrî), Komeleya Piştevaniya bi Mezopotamya, Centrûm Çanda Mezopotamya, Kurdische Gemeinde zu Berlin-Brandenburg e.V.