Li Amedê gelek HDP’î hatin binçavkirin 

2019-08-19 09:09:46


	 

	AMED - Piştî Wezîrê Karên Hundir qeyûm tayînî Şaredariyên Wan, Amed û Mêrdînê kirin, polîsan li Amedê bi ser gelek malên endam û rêveberên HDP'ê de girtin û di nav de endam û rêveberên HDP ê jî heye gelek kes binçavkirin. 

	 

	Piştî Wezîrê Karên Hundir Hevşaredarê Bajarê Mezin ê Amedê Selçuk Mizrakli, Hevşaredara Bajarê Mezin a Wanê Bedîa Ozgokçe û Hevşaredarê Bajarê Mezin ê Mêrdînê Ahmet Turk ji peywirgê girtin, polîsan bi ser gelek malên endam û rêveberên Partiya Demokratîk a Gelan (HDP) de girtin. Polîsan gelek endam, rêveber û endamên Meclîsa Şaredariyê yên HDP'î binçav kirin. 

	 

	Kesên hatin binçavkirin û navê wan hat hînbûn wina ne: Rêveberê HDP'ê yê Amedê Kadîr Înanir, Edîp Bînbîr û Alî Îhsan Karahan, Endama MYK'ê ya Partiya Herêmên Demokratîk (DBP) Sevîm Bîçîcî, Rêveberê DBP'ê yê Rezan Hayrî Etyemez, Cîgirê Sekreterê Giştî yê Şaredariya Bajarê Mezin ê Amedê Murat Emînoglu, Endamê Meclîsa Şaredariya Bajarê Mezin ê Amedê Mehmet Akdogan, Seroka Daîreya Polîtîkaya Jinan a Bajarê Mezin a Amedê Selda Baran, Endamê Meclîsa HDP'ê  Mesut Bagcik û Burhan Karakoç, Rojnameger Tumen Anli, Xebatkara Şaredariya Amedê Mustafa Akengin û Şiyar Dag, Mahmut Korkmaz, Fevzi Işik, Fuat Yalçin, Endamê HDP'a Çinarê Mahmut Ulus û Fevzi Demirkıran, Endamê HDP'a Bismilê Lokman Bozkur, Endama Kongreya Îslama Demokratîk (KÎD) Naîf Erdem, Hevşaredarê Peyasê Davut Kesen, endamê Meclîsê Nurşen Akbal û endama HDP'ê Avniye Tanrikulu.

	 

	Her wiha polîsan avêtin ser malên hevserokên HDP'ê yên bajêr a Amedê Hulya Alokmen û Zeyyat Ceylan, lê ji ber ku li malê nebûn nehatin girtin.