
Li Bajarên Rojava serdana gorên berxwedêran hat kirin 

2019-08-11 12:08:21


	&nbsp;

	QAMIŞLO / HELEB/KOBANÊ/ŞEHBA - Bi boneya cejna qurbanê malbatên berxwedêran li Qamişlo, Heleb, Kobanê, Şehba û Dêrikê çûn ser goristana &nbsp;berxwedêran.

	&nbsp;

	Bi armanca cejna qurbanê li Rojavayê Kurdistanê li bajarê Qamişlo, Kobanê, Dêrîk, Heleb û Şehbayê malbatên berxwedêran ji serê seherê çûn serdana cangoriyên azadiyê.

	&nbsp;

	Li Qamişloyê Malbatên Şehîdan çûn serdana goristanan

	&nbsp;

	Bi sedan welatî û malbatên şehîdan yên bajarê Qamişloyê di sibeha cejina qurbanê de seredana goristanên berxwedêran kirin.

	&nbsp;

	Bi giştî şêniyên ku li Bakur û Rojhilate Sûriyeyê dijîn, wek adet û rêzgirtinek ji kesên ku canê xwe ji bo welatê xwe feda kirine, bi boneya cejna qurbanê, di saetên sehara sibehê de destpekê serdana têkoşerên xwe dikin û cejna wan pîroz dikin. Di serê sibehê de bi kulîlk û şekiran şêniyan berê xwe dan Goristana Delîl Soraxan.&nbsp;

	&nbsp;

	Li Helebê malbatên têkoşeran serdana goristanê kirin

	&nbsp;

	Bi boneya cejna qurbanê gelê taxa Şêx Meqsûd a bajarê Helebê berê xwe dan goristana têkoşerên azadiyê.

	&nbsp;

	Gel ji &nbsp;avahiya Saziya Malbata Şehîdan kom bûn û berê xwe dan goristana şehîdên Helebê û bi deqeyekê rêz girtin ji bo pekrewanên azadiyê. Paşê li ser navê Saziya Malbatên Şêhîdan Suad Hesen axivî û wiha got: "Em cejna qurbanê li Rêber Apo û têkoşerên azadiyê pîroz dikin. Hêviya me ew e ev cejn bibe sala serkeftinê li dijî dagirkeriyê. Bi saya têkoşerên azadiyê em gihaştîn vê rojê û jiyana me bi rengekî azad ew ê bixemile. Em soz didin cangoriyên azadiyê da ku em bigihêjin serkeftinê û bi Rêberê xwe re azad bijîn."

	&nbsp;

	Her wiha malbatên têkoşerên azadiyê serdana goristanan kirin.

	&nbsp;

	Gelê Kobanê cejna têkoşerên xwe pîroz kirin

	&nbsp;

	Bi boneya cejna qurbanê gelê Kobanê li goristana Şehîd Dîcle û herdû goristanên komkujiya 25’ê Hezîranê &nbsp;têkoşer û zarokên xwe bi bîr anîn.&nbsp;

	&nbsp;

	Gelê Kobanê piştî nimêja siharê berê xwe dan goristana Şehîd Dîcle û bi şehîdên xwe re dest bi pîrozkiria cejnê kirin. Li ser goran destpêkê wacibên olî hatin pêkanîn. Şêranî li ser goran hat belavkirin û piştre &nbsp;gel berê xwe dan goristanên şehîdên komkujiya ku di 25’ê Hezîrana 2015'an de li Kobanê çêbibû û di encamê de hejmareke mezin welatiyan jiyana xwe ji dest dabûn. Li herdû goristanên din jî şehîd hatin bîranîn wacibên olî hatin pêkanîn û şêranî hat belavkirin. Piştî bi bîranîna pakrewanan gel cejn li hev pîroz kirin.&nbsp;

	&nbsp;

	Li Dêrîkê malbatên têkoşerên azadiyê serdana goristanan kirin

	&nbsp;

	Bi boneya cejna qurbanê gelê Dêrîkê serdana goristana têkoşerên azadiyê kirin.

	&nbsp;

	Bi boneya cejna qurbanê li bajarê Dêrîkê ya girêdayî Kantona Qamişloyê malbat serdana goristanan kirin û cejna xwe bi têkoşerên azadiyê re pîroz kirin. Destpêkê konvoyek ji aliyê Malbatên Şehîdan ve hemû gel pêşwazî kirin û şêranî belav kirin. Piştî çûn ser gora zarokên xwe gel cejna hev jî pîroz kirin.

	&nbsp;

	Gelê Efrîn û Şehbayê cejna xwe bi pakrewanên azadiyê re pîroz kirin

	&nbsp;

	Bi boneya hatina cejna qurbanê bi sedan ji gelê Efrîn û Şehbayê serdana goristana Berxwedana Serdemê ya Pakrewanên azadiyê kirin û cejna xwe bi têkoşerên azadiyê re pîroz kirin.

	&nbsp;

	Serê sibehê bi sedan şêniyên Efrîn û Şehbayê berê xwe dan goristana Berxwedana Serdemê ya cangoriyên azadiyê ji bo pîrozkirina cejnê.

	&nbsp;

	Serdan bi deqeyek rêzgirtin ji bo cangoriyên azadiyê dest pê kir. Paşê bavê Şehîd Şîlan Hesen Îso, li ser navê Hevserokatiya Rêveberiya Xweseriya Demokratîk a Herêma Efrînê Şîraz Hemo axivî û got: "Em gelê berxwedêr in gelê ku ser fikira Netewa Demokratîk jiyana xwe didomîne, gelê kurd &nbsp;serê xwe li dijî desthiladariyê hildide û teslîmkariyê qebûl nake, em ne şer û ne kiryaran dixwazin, em dixwazin bi aramî aloziya Sûriyeyê û bi taybet a Efrînê çareser bikin. Nîşana me wê her tim aşitî û aramî be."

	&nbsp;

	&nbsp;

	&nbsp;

	&nbsp;

	&nbsp;