
Ji bo berxwedêrên azadiyê li Rojava find hat vêxistin

2019-08-11 09:13:06


	&nbsp;

	QAMIŞLO - Bi boneya Cejna Qurbanê li seranserê Rojavayê Kurdistanê ji bo berxwedêrên azadiyê find hat vêxistin.

	&nbsp;

	Bi armanca Cejna Qurbanê li Rojavayê Kurdistanê Li bajarê Qamişlo, Şehba û Dêrîkê, &nbsp;bi şev find hatin vêxistin.

	&nbsp;

	Li Qamişloyê ji bo cejnê li goristanan find hat vêxistin

	&nbsp;

	Bi boneya cejna qurbanê malbatên têkoşerên azadiyê find li ser goristana zarokên xwe vêxistin.

	&nbsp;

	Îro bi boneya cejna qurbanê malbatên têkoşerên azadiyê berê xwe dan goristana Şehîd Delîl Sarûxan ya bajarê Qamişloyê û find li ser goristana têkoşerên azadiyê danîn.&nbsp;

	&nbsp;

	Li Dêrîkê find hat pêxistin

	&nbsp;

	Bi armanca cejna qurbanê li bajarê Dêrîkê malbatên cangoriyên azadiyê li ser goristana zarokên xwe find pêxistin.

	&nbsp;

	Li bajarê Dêrîkê yê girêdayî Kantona Qamişloyê bi hatina cejna qurbanê bi sedan malbatê têkoşerên azadiyê li ser goristana Şehît Xebat zarokên xwe bi pêxistina findê bi bîr anîn.

	&nbsp;

	Li Şehbayê Zarokên têkoşerên azadiyê bi daxuyaniyekê cejina qurbanê pîroz kirin

	&nbsp;

	Bi boneya hatina cejina qurbanê, zarokên pakrewanên azadiyê li ser goristana pakrewanan a Berxwedanê Serdemê ya navçeya Ehres find pêxistin û daxuyanî dan.

	&nbsp;

	Zarokên pakrewanên azadiyê bi munesebeta hatina cejna qurbanê li goristana cangoriyên azadiyê ya Berxwedana Serdemê daxuyaniyek dan. Bi beşdarbûna hemû malbetên berxwedêran, zarokên pakrewanan, sazî û meclîsên girêdayî Rêveberiya Xweseriya Demokratîk daxuyanî hat dayîn.

	&nbsp;

	Daxuyanî bi deqeyek rêzgirtin ji bo tevahî cangoriyên azadiyê dest pê kir, piştre daxuyanî bi zimanên Kurdî û Erebî hat xwendin. Daxuyanî ji aliya keça berxwedêr Emîne Bekîr ve hat xwendin.

	&nbsp;

	Daxuyanî wiha ye:&nbsp;

	&nbsp;

	"Bi boneya hatina cejina qurbanê, bi rêzdarî û hurmet em şehîdên xwe bi bîr tînin û bejina xwe li hember wan ditewînin û Rêberê me Rêber Abdullah Ocalan pîroz dikin. Cejina qurbanê li hemû Netewa Demokratîk, di nava herêmên Rêveberiya Xweser û gelên Efrînê yên ku li herêma Şehbayê bexwedanê dikin pîroz be.

	&nbsp;

	Em weke zarokên Şehîdan di nava du salên dawî de, çar cejin derbas bûn û em dûrî goristanên Bav û Şehîdên xwe ne, em silavên xwe ji hersê goristanên Seydo, Refîq û Avesta yên ku bi hezaran gorên têkoşerên me hembêz kirine dişînin.

	&nbsp;

	Pakrewanên me bi xwîna xwe axa pîroz av dan û giyana xwe fedayî heqîqetê û kerametê kirin, bi şehadeta xwe bûn pêşeng û mînak ji me re. Em weke zarokên têkoşerên azadiyê soza me tohildan e. Em soz didin şehîdên xwe em ê rêya wan bişopînin û li ser fikir û felsefeya Rêber Abdullah Ocalan Efrînê azad bikin û xwesteka şehîdan jiyanek azad demokratîk komînal pêk bînin.

	&nbsp;

	Em li dijî êrîşan bêdeng namînin, ji bo parastina nirxên xwe em amade ne canê xwe feda bikin.

	&nbsp;

	Daxuyanî bi dirûşma "Şehîd Rêberê têkoşîna me ne" û "Şehîd Namirin" bi dawî bû. Paşê ji aliyê gel ve find li ser goristana pakrewanan hat vêxistin.

	&nbsp;