Li wargeha koçberên Şengalê şewat 2019-08-06 12:54:40   NAVENDA NÛÇEYAN  -Li Wargeha Çemişko ya navçeya Zaxo ya Dihokê ku koçberên ji Şengalê lê dijîn şewat derket. Ji ber şewatê herî kêm 15 kon şewitîn.   Li Wargeha Çemişko ya navçeya Zaxo ya Dihokê ku koçberên ji Şengalê lê dijîn vê sibehê saet di 07.00'an de  şewat derket. Li gorî agahiyên di Ajansa Rojnewsê de, hat aşkerakirin ku şewat ji ber temasa têlên ceryanê a bi hev derketiye û di encamê de 15 kon bi alavên di hundir wan de şewitî ne. Herwiha di agahiyên hatin bidestxistin de hat diyarkirin ku ji ber tîmên agirkujê dereng mane şewat belav bûye.     Ji aliyekî din ve jî hat diyarkirin ku  li gorî agahiyên ji Rêveberiya Parastina Şaristaniyan a Dihokê hatine girtin, sedema şewatê hîna nehatiye zelalkirin.