
Di bin çavan de pêçeka Merve Demîrel bi zorê ji serê wê derxistin 

2019-07-18 16:47:11


	&nbsp;

	ENQERE - Şaxa ÎHD'ê ya Enqereyê tekildarî Merve Demîrel a bi zorê hat binçavkirin û rastî tundiya polîsan hat, daxuyanî dan û diyar kirin ku polîsan di bin çavan de bi zore pêçeka Merveyê ji serê wê derxistine.&nbsp;

	&nbsp;

	Şaxa Komeleya Mafên Mirovan (ÎHD) ya Enqere, têkildarî Merve Demîrel a di 12'e tîrmehê de dema li Kolana Yukselê ya Enqereyê piştgirî da çalakiyê û rastî tacîza zayendî ya polîsan hat, di serdegirtina malê de jî hatibû binçavirin û rastî tundiya polîsan hatibû. Merve Demîrel, têkildarî serpêhatiya xwe serî li Şaxa ÎHD'ê ya Enqereyê da. Rêvebera ÎHD'ê ya Enqereyê Melîke Gîray, diyar kir ku kesên bi KHK'ê hatin îxrackirin û li kolana Yukselê çalakiya xwe li dar dixin, tundî û zexten li ser wê didomin.&nbsp;

	&nbsp;

	Melîke, anî ziman ku bavê Merve Demîrel jî hatiye binçavkirin û xwişka wê Bengîsu Demîrel jî hatiye binçavkirin. Melîke, anî ziman ku beriya Merve Demîrel bê binçavkirin rastî tacîza polîsan hatibû û wiha got: "Serê Demîrel li hesinê erebê xistibûn. Zend û piyê wê reş û şîn bûbûn. Ji aliyê polîsan ve rastî îşkenceyê hatibû."&nbsp;

	&nbsp;

	Melîke, anî ziman ku bi zorê pêçeka Merveyê ji serê wê derxistine û xwest rayedarên ku îşkenceyê dikin bi lez dawî li îşkenceyê bînin û tundiya polîsan a li dijî Merve Demîrel bi dawî bibe.&nbsp;

	&nbsp;