
'Berxwedana me ya li dijî dagirkeriyê dê bidome' 

2019-07-03 09:05:23


	&nbsp;

	Tolîn Muhemed

	&nbsp;

	ŞEHBA - Jinên Efrînê yên ku li gundewarên Şehbayê bi cih bûne derbarê êrîşên dewleta tirk ên li ser Başûr û Rojava de gotin: "Em ê berxwedana xwe ya li dijî gef û kiryarên dewleta Tirk bidomînin."

	&nbsp;

	Gef û êrîşên dewleta tirk ên li ser Başûr û Rojava didome. Têkildarî mijarê de jinên Efrînê nêrînên xwe parve kirin. Jinên Efrînê gotin:"Tu gef û êrîş dê nikaribe me ji xeta me ya têkoşîn û berxwedanê qut bike."

	&nbsp;

	'Em ê tola pakrewanên xwe hildin'

	&nbsp;

	Jina bi navê Almaz Hiso wiha got: "Em tu carî gefên dewleta Tirk ên li ser xaka xwe qebûl nakin. Malbatên Şehîdan û hemû gelê Kurd dê hesabê hemû &nbsp;êrişan bipirse. Banga me ji hemû gelê kurd re heye ku destên xwe bi yek bikin û li pey şopa pakrewanên xwe bimeşin û tola wan hildin."

	&nbsp;

	'Berxwedan wê bidome'

	&nbsp;

	Endama Kongreya Star a Efrînê Emîne Silêman wiha got: "Bila Erdogan nefikire bi gefên xwe wê di nava gel de metirsiyekê çêbike. Gel ne gelê ku bindestiyê qebûl dike ye. Gelê Kurd her dem li dijî gef û êrîşan serî hildaye û ev serîhildan dê bidome."&nbsp;

	&nbsp;

	'Serkeftin ya me ye'

	&nbsp;

	Henîfe Derwîş jî wiha got: "Em jinên ciwan gefên dewleta Tirk li ser xwe qebûl nakin, me di Efrînê de 58 rojan berxwedana xwe domand û em ê heta dawiyê berxwedana xwe bidomînin. Serkeftin jî her tim ya me ye, ya gelê azadîxwaz e. Em ê berxwedana xwe ya li dijî gef û kiryarên dewleta Tirk bidomînin. Tu gef û êrîş dê nikaribe me ji xeta me ya têkoşîn û berxwedanê qut bike."

	&nbsp;

	&nbsp;

	&nbsp;

	&nbsp;