
'Li Efrînê jiyan wekî dojehê bû' 

2019-05-22 09:05:32


	&nbsp;

	Tolîn Muhemed

	&nbsp;

	ŞEHBA - Piştî ku dewleta tirk û komên girêdayî wê êrîşî Efrînê kir şûnde bi hezaran welatiyên li Efrînê li Şehbayê bi cih bûn û niha li wir berxwedana xwe didomînin. Jina bi navê H.E ya ku li Efrînê bûye şahidê gelek tiştan û niha li Şehbayê dimîne wiha got:"Her pêkanînên dijmirovî piştî êrîşên dewleta tirk û çeteyan şûnde li Efrînê hat kirin. Li Efrînê jiyan wekî dojehê bû."

	&nbsp;

	Di 20'ê Çileyê 2018'an de dewleta tirk û komên girêdayî wê êrîşî Efrînê kir şûnde bi hezaran welatiyên li Efrînê li Şehbayê bi cih bûn û niha li wir berxwedana xwe didomînin. Jina bi navê H.E ya ku li Efrînê bûye şahidê gelek tiştan û niha li Şehbayê dimîne &nbsp;tiştên ku jiyaye wiha vegot:"Aramî û ewlehî li Efrînê tune bû. Gelek kes li ber çavên me hatin qetilkirin. Gelek îşkenceyên ku dihatin kirin jî dihatin veşartin."

	&nbsp;

	'Bi taybet zilim li jinan dihat kirin'

	&nbsp;

	H.E. da zanîn ku ew li Efrînê bûye şahidên gelek tiştî û wiha got:"Li Efrînê mirov tên revandin û di berdêla wê de çete pereyan dixwazin. Bi taybet zilim li jinan dihat kirin. Her wiha bi zorê cilên reş li jinan dikirin û jin nikaribûn tena serê xwe derketina derve. Çeteyên girêdayî dewleta Tirk nedihiştin gel biçe nava erdê xwe, heta pere nêzî 2000 Dolar bidana."

	&nbsp;

	'Li Efrînê jiyan wekî dojehê bû'

	&nbsp;

	H.E. da zanîn ku ew piştre derbasî Şehbayê bûne û têkoşîna jiyanê dane û wiha dawî li axaftina xwe anî:"Mirov piştî dagirkirina Efrînê êdî nikarin li Efrînê tehemul bikin. Her pêkanînên dijmirovî piştî êrîşên dewleta tirk û çeteyan şûnde li Efrînê hat kirin. Li Efrînê jiyan wekî dojehê bû. Aramî û ewlehî li Efrînê tune bû. Gelek kes li ber çavên me hatin qetilkirin. Gelek îşkenceyên ku dihatin kirin jî dihatin veşartin. Niha sînor jî di navbera Efrîn û Şehbayê çê dikin. Lê em ê her li berxwe bidin ku Efrîn bê rizgarkirin."

	&nbsp;

	&nbsp;

	&nbsp;

	&nbsp;

	&nbsp;