
Çalakiya ji bo piştevaniya grevên birçîbûnê li Qamişloyê didome 

2019-05-21 15:10:28


	&nbsp;

	Civîn Husên-Rojda Seyîdxan

	&nbsp;

	QAMIŞLO - Çalakiya &nbsp;greva birçîbûnê ya ku bi armanca piştevaniya çalakvanên greva birçîbûnê ji bo şikandina tecrîda girankirî ya li ser Rêberê PKK'ê Abdullah Ocalan dest pê kiriye &nbsp;di roja pênçemîn de didome.

	&nbsp;

	Çalakiya greva birçîbûnê ya ku bi pêşengtiya Kongreya Star û Meclisa Malbatên şehîdan &nbsp;li parka 19'ê Tîrmehê ya Qamişloyê bi dirûşmeya "Em ê tecrîdê û faşîzmê têk bibin, Netewa Demokratîk misoger bikin", ji bo piştgiriya çalakvanên grevên birçîbûnê ji bo azadî û şikandina tecrîda li ser Rêberê PKK'ê Abdullah Ocalan di roja pêncemîn de berdewam dike.&nbsp;

	&nbsp;

	Di roja &nbsp;pêncemîn de çalakvan ji navçeye Amûdê ketin grevê. &nbsp;Çalakvan bi moralekî bilind û dirûşmeyên ' Bijî berxwedana Zindanan, Bijî Serok Apo, Em hemû Leyla ne', &nbsp;çalakiya xwe didomînin. Her wiha Edaleta Jin, Dadgehên herêma Cizîrê, Malên Jin, Akademiya Mezopotamya ya Edaleta Civakî, Asayîşa Jin serdana çalakeran kirin û axavtin kirin. Di axaftinan de balkişandin ser pêwîstiya mezinkirina têkoşînê û heta dawiyê piştgiriya çalakvana bikin û Abdullah Ocalan xwe azad bikin. Jinên tevlî çalakiyê bûn nerînên xwe parve kirin.

	&nbsp;

	'Em wek netewê Ereb kiryarên dewleta tirk şermezar dikin'

	&nbsp;

	Jina ereb Ilham Husên wiha got: "Em pêşwaziya tevahî hevalên xwe dikin di bin konê îrade û israra azadiyê de. Em wek netewê ereb li Bakur û Rojhelatê Sûriyeyê van kiriyarên dewleta Tirk li ser gelê kurd şermezar dikin. Em soz didin çalakvanên grevên birçîbûnê û pêşenga me Leyla Guven ku têkoşîna xwe bi wan re bikin yek heta Rêber Apo azad bibe."

	&nbsp;

	'Leyla nûnera jina azad û têkoşer e'

	&nbsp;

	Jina Ereb Heyfa Salim jî ev tişt got: "Em îro tevlî vê çalakiyê dibin ku piştgiriya xwe ji çalakvanên di zindanên Tirkiyeyê de berxwe didin, nîşan didin. Leyla Guven ku ev 195 roj in çalakiya xwe didomîne, &nbsp;nûnertiya jina azad û berxwdêr dike. Îro bi têkoşîna wê em xurtir dibin. Heta ku Rêber Apo yê ku riya Netewa Demokratîk ji me re pêşkêş kir azad nebe, em ê çalakiyên xwe bidomînin."

	&nbsp;

	'Gel azadî û aramiyê dixwaze, ew jî daxwaza çalakvanên gerevên birçîbûnê ye'

	&nbsp;

	Jina Sûriyan Ezîza Şêxmûs a Endama Rêveberiya Mala jina ya Sûriyan a li Kantona Hesekê ev yek anî ziman: "Ji bo piştgiriya Leyla û rêhevalên wê em jî tevlî çalakiyê bûn, &nbsp;êdî gel azadî û aramiyê dixwaze, ev yek jî bi dawaza van berxwedêrên grevên birçîbûnê wê pêk were. Gel azadî û aramiyê dixwaze, ew jî daxwaza çalakvanên gerevên birçîbûnê ye."

	&nbsp;

	Jina Suryan Rîma Rûmans jî bang li tevahî jinên Bakur û Rojhelatê Sûriyeyê kir ku piştevaniya xwe ji çalakvanan re nîşan bidin û gotin:"Heta tecrîd bi dawî bibe em ê têkoşîna xwe bidomînin."

	&nbsp;

	&nbsp;