'Em ji qêrînên li zindanan bilind dibin bêdeng namînin' 

2019-05-20 14:31:44


	 

	WAN - Platforma Demokrasiyê anî ziman ku ew ji bo grevên birçîbûnê û rojiyên mirinê yên li dijî tecrîdê bêdeng namînin û wiha got:"Em ê têkoşîna li dijî tecrîdê bidomînin."

	 

	Platforma Demokrasiyê ya Wanê ji bo balê bikşîne ser grevên birçîbûnê û rojiyên mirinê daxuyanî da. Li daxuyaniya ku li ber avahiya ÇEV-DER'ê hat dayin de dirûşma "Bijî berxwedana zindanan" hat berzkirin. 

	 

	'Dê têkoşîna me bidome'

	 

	Di daxuyaniyê de hat gotin ku pêvajoya grevên birçîbûnê hatiye asteke kirîtîk û wiha dewam kir:"Em ê têkoşîna li dijî tecrîdê bidomînin. Divê mafên girtiyan bê dayin. Ji bo pirsgirêk çareser bibin divê demildest gav bê avêtin.Em ji qêrînên li zindanan bilind dibin bêdeng namînin."