Dayikên astengî derbas kirin: Hûb bombeyê jî biavêjin em êbimeşin 

2019-05-19 15:28:35


	 

	AMED - Dayikên ku 19 roj bûn Parka Koşuyolu li wna hatibû qedexekirin, îro jî li gel bi sedan kesî bi dirûşma "Bijî berxwedana zindanan" meşiyan.  Dayikan ji polîsên ku xwestin wan asteng bikin re gotin, "Hun bombeyê jî bi ser me de bavêjin em ê bên û bimeşin." 

	 

	Dayikên ku zarokên wan li dijî tecrîdkirina Îmraliyê li girtîgehan di greva birçibûnê û rojiya mirinê de ne, bi armanca balê bikişînin ser daxwazên zarokên xwe, di roja 19'an de li pêş Aşê tenişta Parka Koşuyolu ya Amedê kom bûn. Dayikên ku di bin dorpêça polîs û TOMA de derbasî Parka Koşuyolu ya li wan hatibû qedexekirin bûn û dest bi çalakiya rûniştinê kirin.

	 

	 Piştî dayik kom bûn, polîsan bi TOMA'yan dayik dorpêç kirin. Rojnamegerên ku hatin qadê û xwestin dîmen û wêneyên dayikan bikişînin jî rastî astengiya polisan hat. Polîsan rojnameger asteng kirin û destûr nedan nûçeye bişopînin.

	 

	Li g el dorpêçê daxuyanî  

	 

	Dayikên di bin dorpêça polîsan de dirûşmeyên "Leyla Guven rûmeta me ye" û "Amed ranezê deng bide zindanan" berz kirin. Dayikan piştî saetekê li vir rûniştin meşiyan avahiya TUAY-DER'ê û li vir di bin dorpêça polîsan de daxuyanî dan û bang li Wezîrê Dadê kirin ku gavên şênber bavêje. 

	 

	Dayikan bang li wezîr kir

	 

	Dayikên ku tevî dorpêçê çalakiya rûniştinê li dar dixistin, piştî saetekê rûniştin, bi dirûşmeyên “Zext me bêzar nakin", “Heq, hiqûq û edalet wê li zindanan pêş bikeve" û li meşiyan avahiya TUAY-DER'ê. Parlamenterên HDP'ê Saliha Aydeniz, Semra Guzel, Hişyar Ozsoy, Remziye Tosun û Musa Farisiogullari  tev li daxuyaniyê bûn. Dayikan di meşê de dirûşmeyên “Amed ranezê li zindanan xwedî derkeve", “Silav silav ji zindanan re hezar silav" “Leyla Guven rûmeta me ye" û "Bijî berxwedana Zindanan" berz kirin. Dayikan li pêş TUAY-DER'ê daxuyanî dan û bang li wezîrê dadê kirin ku gavên şênber bavêjin û li gorî gotinên xwe tev bigere. Dayikan piştî daxuyanî dan derbasî avahiya TUAY-DER'ê bûn.