Polîsan dolmîşa karkeran gulebaran kir: 6 karkerên jin birîndar bûn 

2019-05-18 11:01:25


	 

	RIHA - Polîsan li Bajaroka Elîgor a Pirsûsa Rihayê, dolmîşa karkerên çandiniyê gulebaran kir. Di êrîşa polîsan de 6 karkerên jin ên çandiniyê birîndar bûn. 

	 

	Polîsan di saetên serê sibê de li bajaroka Elîgor a Navçeya Pirsûsê ya Rihayê dema dolmîşa karkerên çandiniyê di kontrola wan re derbas bû, maşîne gulebaran kirin. Di gulebaranê de 6 karkerên jin çandiniyê birîndar bûn. Sedema êrîşa polîsan a li dijî karkeran nehat zanîn. Karkerên di êrîşa polîsan de birîndar bûn, rakirin nexweşxaneyên Riha û Pirsûsê. 

	 

	Kesên birindar bûn wiha ne: Hava Algac,  Emîne Çalîşan, Gulcan Ertaş, Aysel Geçîcî, Zehra Kurt, Kubra Kurt.