
'Nebin hevkarên sûc' 

2019-05-18 09:21:25


	&nbsp;

	NAVENDA NÛÇEYAN - Dayikên bi laçik spî li pêşiya avahiya Neteweyên Yekbûyî (NY) hatin gel hev, bang li NY’yê kirin ku li hember bûyerên rû didin bikevin tevgerê û peyama ‘Bêdengî wateya hevkariyê ye’ dan.

	&nbsp;

	Çalakiya rûniştinê ya 2 rojan a li pêşiya Ofîsa Neteweyên Yekbûyî (NY) a Cenevreyê bi armanca balê bikişînin ser grevên birçîbûnê û rojiya mirinê ya ji bo şikandina tecrîda giran a li ser Rêberê PKK'ê Abdullah Ocalan bi dawî bû.

	&nbsp;

	Çalakiya rûniştinê ya bi pêşengtiya Navenda Civaka Kurd a Demokratîk a Swîsre û Tevgera Jinên Kurd a Swsîreyê hate kirin, bi dehan dayikên bi laçik spî û gelek kesan tevlî bûn.

	Çalakvanên ku bi pankart û posterên balê dikişînin ser grevan dirûşmên "Bijî berxwedana zindanan", "Leyla Guven rûmeta me ye" û "Tecrîd sûcê mirovahiyê ye, bêdeng nemînin" hatin qîrkirin.

	&nbsp;

	Her wiha di çalakiyê de nerazîbûn nîşanî êrîşên li ser dayikên girtiyan hate dayîn. Hate diyarkirin ku divê li her qadê bibin dengê dayikan û dengên wan bidin bihîstin. Di axaftinên hatin kirin de hate gotin tecrîd li dijî kê bê kirin sûcê mirovahiyê ye. Bêdengiya li hemberî wê tê wateya hevkariyê.&nbsp;