
Malbatên girtiyan tevî heqaret û astengiyan li Qada Esenyurtê rûniştin 

2019-05-15 10:05:58


	&nbsp;

	STENBOL - Malbatên ku ji bo balê bikşînin ser çalakiyên grevên birçîbûnê nobeta xwe ya li Qada Esenyurtê didomînin. Malbatên girtiyan tevî heqaret û astengiyan li Qasa Esenyurtê çalakiya rûniştinê pêk anîn.&nbsp;

	&nbsp;

	Do bi şev malbatên ku zarokên wan di greva birçîbûnê û di rojiya mirinê de ji bo çalakiya nobetê li Qasa Esenyurtê ya Stenbolê kom bûn. Malbatên ku li ber Avahiya HDP'ê kom bûn ber bi Qada Eseryurtê meşiyan.&nbsp;

	&nbsp;

	Xizmên girtiyan ên ku li Qadê dest bi çalakiya rûniştinê kirin ji aliyê polîsan ve hatin dorpêçkirin. Polîsan nasnameyên xizmên girtiyan dan hevdu û ji GBT'ê derbas kirin.&nbsp;

	&nbsp;

	Polîsan heqaret li malbatan kirin

	&nbsp;

	Polîsan di dema kontrola GBT'ê de ji malbatan wiha gotin:"Çima hûn her roj tên vê derê? Rabin herin. Êdî bicehemin. Em ê her roj bi we mijûl bibin?." Her wiha polîsan malbat tehdît kirin.&nbsp;

	&nbsp;

	Rojnameger jî hatin tehdîtikirin

	&nbsp;

	Polîsan ji rojnamegerên ku bûyer dişopandin gotin:"Em qirêjiya we jî dikişînin. Divê em we li vir nebîne." Polîsan piştre qartên çapemeniyê û nasnameyên rojnamegeran kom kirin.&nbsp;

	&nbsp;

	Malbatan bi dorpêçkirin û heqaretên polîsan çalakiya xwe pêk anîn û bi lêv kirin ku ew ê sibehê dîsa çalakiya xwe bidomînin.&nbsp;

	&nbsp;

	Piştî çalakiyê jina bi navê Rûken Seven ji aliyê polîsan ve hat binçavkirin. Hat hînbûh ku Rûken birine Amîrtiya Polîsan a Kiraçê.&nbsp;

	&nbsp;

	&nbsp;