
Malbatên girtiyan ligel astengiyan li ber Girtîgeha Gebzeyê kom bûn

2019-05-13 14:59:26


	&nbsp;

	STENBOL - Malbatên girtiyan 35 rojin li ber Girtîgeha Gebzeyê ligel astengiya polîsan kom dibin û çalakiya xwe pêk tînin.&nbsp;

	&nbsp;

	Çalakiya nobetê ya malbatên girtiyên zarokên wan li dijî tecrîda li Îmraliyê di greva birçîbûnê de ne, ya li ber Girtîgeha Jinan a Gebzeyê, di roja 35’emîn de dewam dike. Malbatên li avahiya Rêxistina Partiya Demokratîk a Gelan (HDP) ya Navçeya Gebze kom bûn, li wesayîtên xwe siwar bûn û ber bi girtîgehê ve bi rêketin. Polîsan li ber girtîgehê pêşiya malbatên girtiyan girtin. Malbatên ji wesayîtên xwe peya bûn, ligel hemû astengiyan jî, çalakiya rûniştinê li dar xistin.

	&nbsp;&nbsp;

	Polîsan ji malbatên heya demekê rûniştin re gotin ev çalakî qedexeye û ger çalakiya rûniştinê bidome dê ew ê mudaxale bikin. Dayikan jî ji polîsan re gotin: “Ji bo ku zarokên me bijîn em li vê derê ne.” Polîsan li ser vê heqaret li dayikan kirin û gotin: “Bila zarokên we nebûna terorîst û ne ketibana girtîgehan.” Dayikan bertek nîşanî polîsan dan û wiha gotin: "A rastîn hûn piştgiriyê didin terorîstan. Hûn bi xwe terorîstin.”

	&nbsp;

	Malbat û dayik, piştî çalakiya rûniştinê li wesayîtên xwe sîwar bûn û derbasî avahiya HDP’ê ya Gebzê bûn.&nbsp;

	&nbsp;