Jin li Frankfurtê li dijî tecrîdê daketin qadan 

2019-05-09 11:24:54


	 

	NAVENDA NÛÇEYAN - Li Frankfurtê jin daketin qadan û bal kişandin ser tecrîdê û grevên birçîbûnê.

	 

	Endamên Meclîsa Jinan a Kurd û jinên ji çepgiriya Elman, li pêşiya rojnameya Frankfurter Rundschau li hev civiyan û bal kişandin ser grevên birçîbûnê yên li dijî tecrîdê. Kom kete hundirê avahiya rojnameyê û qala grevên birçîbûnê û tecrîdê kir. Di çalakiyê de belavok hatin belavkirin û pankarta bi nivîsa "Hûn çima bêdeng in?" hate vekirin.

	 

	Jinan piştre bi laçikên spî li navenda bajêr li Zeilê çalakiyek pêk anîn û bang li demokratan hemûyan kirin ku li dijî tecrîdê bikevin nava hewldanan.