
Qada projeya wê hat sekinandin 4 sal in kolandî hatiye hiştin 

2019-05-09 09:32:46


	&nbsp;

	MÊRDÎN - Ji aliyê şaredariya DBP’ê ve piştî hilbijartinên herêmî yên 2014’an şûnde ji bo pirsgirêka trafîkê ya bajar bê çareserkirin, projeya otoparka 3 katî hatibû destpêkirin. Lê piştî qeyûm hat proje hat sekinandin û qada otoparqe ev 4 salin bi awayekî kolandî hatiye hiştin.

	&nbsp;

	Li Mêrdînê di dema qeyûm de tenê projeya lambeyan hebû. Di hilbijartinên 2014’an yên herêmî de Ahmet Turk hilbijartin qezenc kir û li Deriyê Amedê xebatên çêkirina otoparka 3 katî da destpêkirin û di çarçoveya vê de kolandinên hatin kirin jî ev 4 sal in wek xwe maye.

	&nbsp;

	Ji bo otoparka li qada Deriyê Amedê û taxa Artukliyê ye, 4 sal berê kolandin hatibûn kirin. Piştî kolandina 4-5 metreyî qedya şûnde qeyûm tayînê şaredariyê bibû û proje nîvco mabû. Ji bo pisgirêka trafîkê ya bajar bê çareserkirin, ev xebat hat destpêkirin, lê piştî qeyûm proje hat sekinandin. Qeyûm dora qadê bi textan girt.

	&nbsp;

	Pisgirêka trafîkê didome

	&nbsp;

	Qad ji bo gel rîskek mezin ava dike û nayê zanîn ku wê heta kengê ev wisa bidome. Her wiha pirsgirêka trafîkê ya bajar jî hîna nehatiye çareserkirin. Bi germbûna hewayê re jî tê payîn ku wê 5 mîlyon turîst bên bajar. Ji niha de trafîka bajar xitimiye. Nezelaliya qada kolandî hîna didome.&nbsp;