
Li Stewrê şahiya ciwanan hat lidarxistin 

2019-05-04 17:21:20


	&nbsp;

	MÊRDÎN - Meclîsa Ciwanên HDP’ê ya Stewrê, li bajaroka Ewîna ya navçeya Stewra Mêrdînê şahiya ciwanan li dar xist.

	&nbsp;

	Meclîsa Ciwanên Partiya Demokratîk a Gelan (HDP) ya Stewrê, li bajaroka Ewîna ya navçeya Stewra Mêrdînê şahiya ciwanan li dar xist. Hevşaredarên Stewrê, rêvebirên HDP û DBP’ê û gelek ciwan tevlî şahiyê bûn. Beriya axaftinan govend hat gerandin. Piştre Hevşaredara HDP’ê ya Stewrê Gulîstan Oncu axaftinekî kurt kir.

	&nbsp;

	Gulîstan, greva birçîbûnê bi pêşengiya Hevseroka Kongreya Civaka Demokratîk (KCD) û Parlamentera HDP’ê ya Colemêrge Leyla Guven dest pê kir û li hemû girtîgehan belav bûye silav kir û wiha got: "Divê hemû kes xwedî çalakiya greva birçîbûnê ya hatiye destpêkirin derbikeve. Di rojên gelek zor û zehmet de derbas dibin."

	&nbsp;

	Piştî axaftinan ciwanan goven gerand. Şahiya ciwanan bi stranên Koma Awesta û bi govendê bi dawî bû.&nbsp;

	&nbsp;

	&nbsp;