
Xizmên Windayan: Em êrîşên li hemberî dayikan qebûl nakin 

2019-05-04 15:12:43


	&nbsp;

	AMED / ÊLIH - &nbsp;Xizmên Windayan ên Amedê di hefteya 534'emîn û Xizmên Windayan ên Êlihê jî di hefteya 440'êmîn kom bûn û aqûbeta xizmên xwe pirsin bal kişandin ser greva birçûbûnê û rojiya mirinê.&nbsp;

	&nbsp;

	Li Amed û Êlihê Xizmên Windayan li Komeleya Mafên Mirovan (ÎHD) kom bûn û aqûbeta xizmên xwe pirsin. Li Amedê aqûbeta Ahmet Akbaş li Êlihê ji aqûbeta Naîf Demîr hat pirsin.&nbsp;

	&nbsp;

	Xizmên Windayan li Şaxa ÎHD'a Amedê di hefteya 534’emîn de çalakiya bi dirûşma “Bila Winda Bên Dîtin û Kujer Bên Darizandin” li dar xist. Serokê Giştî yê berê yê ÎHD’ê Husnu Ondul, Serokê Rêxistina CHP’ê ya Amedê Mehmet Sayin, nûnerên rêxistinên civakî yên sivîl û rêveber û endamên ÎHD û Xizmên Windayan beşdarî çalakiyê bûn û wêneyên windayan hildan.&nbsp;

	&nbsp;

	'Êrîşa polîsan nayê qebûlkirin'

	&nbsp;

	Rêveberê Şaxa ÎHD’ê Adnan Orhan di çalakiyê de axivî û kesên di komkujiya Dersimê ya 4’ê Gulana 1938’an jiyana xwe ji dest dan bibîr anî. Orhan diyar kir ku ji dema derbasbûyî heta îro komkujî û windayan di rûpelên tarî yên dîrokê de cih girtine û ew ê têkoşîna xwe ya ji bo aqûbeta windayan derxin holê bidomînin.&nbsp;

	&nbsp;&nbsp;

	Adnan, anî ziman ku grevên birçîbûnê û rojiya mirinê ya hat destpêkirin gihaştiye asteke xeternak û wiha got: “Dayikên girtiyên zarokên wan di greva birçîbûnê de ji bo piştevaniya zarokên xwe û ji bo zarokên wan bijîn, daxuyanî û çalakiyan li dar dixin. Polîs bi bêperwa mudaxeleyî dayikan dikin. Ev pêkanîna li dijî dayikan bêhurmetî û bêhiqûqî ye. Em tu êrîşa polîsan a fîzîkî ya li dijî dayikan qebûl nakin. Tekane daxwaza dayikan ew e ku zarokên wan jiyana xwe ji dest nedin.”&nbsp;

	&nbsp;

	Serokê Giştî yê berê yê ÎHD’ê Husnu Ondul jî bi bîr xist ku bi salane têkoşîna ÎHD’ê ya ji bo windayan didome û çalakiyên heftane yên ÎHD’ê têkoşîna li dijî bêcezakirinê ye.&nbsp;

	&nbsp;

	Endamê Komîsyona Windayan a ÎHD’ê Parêzer Hasan Yalçin jî çîroka windabûna Ahmet Akbaş ê di sala 1995’an de ji gundê Kayagedîgî yê Çêrmûga Amedê ji bo şivanitiyê çûye navçeya Xozatê ya Dersimê û di serdegirtina gundê Çaytaşî ji aliyê eskeran ve hatiye binçavkirin û carek din agahî jê nehatiye girtin xwend.&nbsp;

	&nbsp;

	Xizmên Windayan li Êlihê aqûbeta windayan pirsî&nbsp;

	&nbsp;

	Xizmên Windayan li Êlihê jî li avahiya Şaxa ÎHD’ê di hefteya 440’emîn de çalakiya “Bila Winda Bên Dîtin û Bila Kujer Bên Dîtin” li dar xist. Xizmên windayan, malbatên girtiyan, aktîvîstên ÎHD, Parlamenterên HDP’ê yên Êlihê Feleknas Ûca û Ayşe Acar Başaran beşdarî çalakiyê bûn û pêşmalkên bi nivîsa “Bila Leyla Guven bijî” li xwe kirin.&nbsp;

	&nbsp;&nbsp;

	Hevserokê Şaxa ÎHD’ê Parêzer Devran Yildiz ewilî axivî û kesên di komkujiya Dersimê ya di 4’ê gulana 1937’an de biryara wê hat girtin û pişt re bûyerên bûn şerma mirovahiyê pêk hatin bibîr xist. Yildiz bal kişand ser çalakiyên greva birçîbûnê û got: “Greva birçîbûnê veguherî rojiya mirinê. Rojiya mirinê rîska mirinê zêde kir. Em wek parêzvanên mafên mirovan dixwazin ku daxwaza girtiyan demildest bê qebûlkirin.”&nbsp;

	&nbsp;

	'Bi lacikên spî berxwe didin'

	&nbsp;

	Parlamenter Ayşe Acar Başaran jî axivî û got: “Yên komkujiyan li ser me pêk anîn îro bi polîtîkayên cuda bi ser me ve tên. Yên ziman û çanda me qedexe kirin û tecrîdê pêk tînin polîtîkayên xwe li ser me didomînin. Ji ber vê yekê em carek din daxwaza xwe dubare dikin û dibêjin bila daxwaz bê qebûlkirin. Ji her mirinek pêk were AKP, Wezareta Dadê û Serokkomar berpirsiyar in. Ev bang tenê ne banga me ye, banga bi hezaran dayikên laçik spî ye ku bi rojane bi laçikên xwe yên spî li ber xwe didin e.”&nbsp;

	&nbsp;&nbsp;

	Serketerê Şaxa ÎHD’ê Fahrettîn Asutay jî çîroka Naîf Demîr ê di 6’ê Adara 1995’an de hat windakirin xwend û got Demîr ji aliyê fermandarê eskeran ve hatiye kuştin.&nbsp;

	&nbsp;

	Daxuyanî piştî çalakiya rûniştinê ya 5 deqîqeyan bi dawî bû.&nbsp;