
Li Almanyayê jinan ji bo grevên birçîbûnê çalakî pêk anîn 

2019-04-26 10:35:21


	&nbsp;

	NAVENDA NÛÇEYAN - Li bajarê Dusseldorf ê Almanyayê ji bo piştgiriya bi çalakiyên grevên birçîbûnê yên ji bo şikandina tecrîda giran a li ser Rêberê PKK'ê Abdullah Ocalan hatine destpêkirin, çalakiyek bêdeng hate kirin.

	&nbsp;

	Bi pêşengtiya Însyatîfa Jinan a Nalîn Mûş a Dûsseldorfê saet 17:00’an li Altsatdtê standek hate vedan.

	&nbsp;

	Di çalakiyê de bêdengiya dewletên Ewropî û raya giştî ya navneteweyî hate protestokirin. Her wiha di çalakiyê de Dayikên Aştiyê yên bi çalakiyên xwe daxwaz dikin ku deng bidin dengên girtiyên di grevê de hatin silavkirin.

	&nbsp;

	Di tevahiya çalakiyê de pankartên bi nivîsên ‘Li dijî bêdengiya raya giştî ya navneteweyî çalakiya bêdeng’ û ‘7 hezar Kurd di grevê de ne’ hate vekirin. Her wiha dowîzên ku navên girtiyên di grevê de ne hatin hildan.

	&nbsp;

	Çalakiya ku heta saet 19:00 dom kir, gelek broşurên bi Almanî yên agahdarkirinê hatin belavkirin.

	&nbsp;