
Malbata jina bi navê Cohera Salim El-Şexanbî wê qetil kir  

2019-04-22 11:17:46


	&nbsp;

	NAVENDA BÛÇEYAN - Li Nexweşxaneya Feyhai ya bajarê Besra yê İraqê jina bi navê Cohera Salim El-Şexanbî ji aliyê malbata xwe ve ji ber sedemên toreyên civakî hat qetilkirin.

	&nbsp;

	Li Nexweşxaneya Feyhai ya bajarê Besra ya İraqê jina bi navê Cohera Salim El-Şexanbî dema ku zaroka xwe ya nexweş dibe nexweşxaneyê ji aliyê malbata xwe ve tê qetilkirin. Cohera Salim El-Şexanbî beriya 3 salan bê xwesteka malbatê bi ciwanê ku jê hez dikir re reviya.&nbsp;

	&nbsp;

	Cohera demekê di bin çavdêriya malbata xwe de bû. Dema Cohera zaroka xwe ya 2 salî dibe nexwşxaneyê malbat wê dişopînin û li pey wê diçin. Dema Cohera derbasî hundirê nexweşxaneyê dibe bavê wê, birayê wê û jinek kêr bi xwe re rakiribû lê nasnameya wê nehat zanîn piştî wê derbasî nexweşxaneyê bûn û wê bi kêrê qetil kirin. Berî kes bi wan bihese derketin. Piştî lêkolînê derket holê ku Cohera ji aliyê malbata xwe ve hatiye qetilkirin.

	&nbsp;

	Wezareta tenduristiyê ya Iraqê bang kir ku divê lezgîn lêpirsîn di derbarê vê bûyerê de were kirin.

	&nbsp;

	Wezîrên İraqê jî ev bûyera ku di nexweşxaneyê de çûbûye şermezar kirin û gotin: "Gerek hemû sazî &nbsp;û nexweşxane werin parastin da ku nexweş karibin bi hêsanî tedawî bibin."

	&nbsp;

	Wezîrê tenduristiyê jî daxwaza pêkanîna destûra 9'an ya zagona parastina bijîşkan a 2009'an kir û wiha domand: "Divê li her nexweşxaneyekê navendek polîsan were avakirin ji bo ku ev bûyerê qetilkirinê neyê dubarekirin."

	&nbsp;