
Çalakiya nobetê ya li Gebzeyê carek din hat astengkirin 

2019-04-20 17:14:53


	&nbsp;

	KOCAELÎ - Malbatên girtiyan îro jî xwestin li ber Girtîgeha Gebzeyê çalakiya nobetê pêk bînin. Polîsan carek din malbatan asteng kir.&nbsp;

	&nbsp;

	Malbatên girtiyan ên li dijî tecrîdkirina Rêberê PKK’ê Abdullah Ocalan di greva birçîbûnê de ne di roja 12’emîn de xwestin li ber Girtîgeha Tîpa M a Gebzeyê çalakiya nobetê pêk bînin. Polîsan carek din malbatan asteng kir û qedexekirina çalakiyan a Walîtiya Kocaeliyê wek hêcet nîşanî malbatan dan. Koma di nav de parlamenterên HDP’ê Omer Faruk Gergerlîoglu, Musa Pîroglu, Serpîl Kemalbay û gellek kes di nav de ji Stenbolê çûn piştevaniya malbatan. Ji Stenbolê heta Gebzeyê koma HDP’iyan û dayikan hat astengkirin.&nbsp;

	&nbsp;

	Tevî hemû astengiyên polîsan jî malbat çûn Gebzeyê&nbsp;

	&nbsp;&nbsp;

	Li qadek pişt girtîgehê malbatan xwest li hev kom bibin. Polîsan malbatan asteng kirin. Dayika girtiyek bertek nîşanî polîsan da û got: “Hûn li qanûnan guhdar dikin? Dema duh we me bi copan ji qadê derdixist qanûn li ku bû? Hûn kî ne pêşiya me dibirin? Em dayik in dayik. Ka hiqûq û heq li ku nîşanî me bidin em herin wir. Edî bes e zarokên me dimirin. Em naxwazin zarokên me bên kuştin. Em ê li vir rûnên”

	&nbsp;

	Piştî nîqaşê malbat ber bi girtîgehê ve meşiyan. Lê polîsan gefa mudaxeleyê li malbata xwar.&nbsp;

	&nbsp;&nbsp;

	Polîsan rojnamegerên nûçe dişopandin jî asteng kir û nasnameyên rojnamegeran kontrol kirin û heta malbatan ji qadê dûr kirin destûr nedan kişandina dîmen û wêneyan.&nbsp;

	&nbsp;&nbsp;

	Li aliyê din li Navçeya Avcilara Stenbolê ji bo balê bikişînin ser tecrîdkirina Ocalan û piştevaniya çalakgerên greva birçîbûnê zincîra ji mirovan hat çêkirin. Komek jinên ku li ser Cadeya Marmara Avcilarê li hev kom bûn, pêşmalkên wêneyê Leyla Guven li ser li xwe kirin û xeleka mirovan pêk anîn. Jinan dirûşma “Bila tecrîd rabe û zîndan vala bibin” berz kirin.&nbsp;

	&nbsp;