
Serlêdana malbatên xwestin biçin Îmraliyê hat redkirin 

2019-04-19 14:25:25


	&nbsp;

	STENBOL - Serlêdana malbat û parêzerên a ji bo hevdîtina li gel Rêberê PKK’ê Abdullah Ocalan hat redkirin.

	&nbsp;

	Ji malbata Rêberê PKK’ê Abdullah Ocalan birayê wî Mehmet Ocalan û wasiyê wî Mazlum Dînç ji bo bikaribin biçin Girtîgeha Îmraliyê hevdîtinê bikin serî li Serdozgeriya Komarê ya Bursayê dabûn.&nbsp;

	&nbsp;

	Malbatên her sê girtiyên din jî yên li gel Ocalan serî li dozgeriyê dan. Birayê Hamîlî Yildirim, Polat Yildirim, birayê Omer Hayrî Konar, Alî Konar û xwişka Veysel Aktaş, Sabiha Aslan jî bi rêya parêzeran serî li Serdozgeriya Komarê ya Bursayê dan.&nbsp;

	&nbsp;

	Serlêdan serê sibê pêk hat. Serdozgeriyê serlêdan nirxand û &nbsp;red kir.&nbsp;

	&nbsp;

	Mehmet Ocalan herî dawî di 12’ê çile de bi Abdullah Ocalan re hevdîtin pêk anîbû.&nbsp;

	&nbsp;

	Herwiha ji parêzerên Ocalan, Îbrahîm Bîlmez, Faîk Ozgur Erol, Newroz Uysal û Rêzan Sarica jî duh ji bo biçin Îmraliyê li gel Ocalan hevdîtinê bikin cara 808’emîn serî li Serdozgeriya Komarê ya Bursayê dan. Serdozgeriyê vê serlêdanê jî red kir.

	&nbsp;

	Parêzerên Ocalan ji 27’ê Tîrmeha 2011’an ve bi hêcetên cuda nikarin bi miwekîlê xwe re hevdîtinê pêk bînin.&nbsp;

	&nbsp;