Rojnameger Kîbriye Evren xwîn vedireşe

2019-04-08 17:20:22


	 

	AMED - Hat diyarkirin ku Rojnameger Kîbriye Evren a ji 16'ê Kanûna 2018'an de li Girîgeha Tîpa E ya Amedê li dijî tecrîdê di greva birçîbûnê de ye xwîn vedireşe, ji roviyên Evîn Kaya xwîn tê û roviyên Hîlal Olmez jî nema dixebitin. 

	 

	Greva birçîbûnê ku di pêşengiya Hevseroka Kongreya Civaka Demokratîk (KCD) û parlamentera Partiya Demokratîk a Gelan (HDP) ya Colemêrgê Leyla Guven de hat destpêkirin roj bi roj belav dibe.  Çalakiya greva birçîbûnê ya Rojnameger Kîbriye Evren, Hîlal Olmez û Evîn Kaya ku li Girtîgeha Tîpa E ya Amedê di 16'ê Kanûna 2018'an de dan destpêkirin di roja 114'an de berdewam dike û rewşa tendirustiya wan ber bi xeterê ve diçe.  Îro di hevdîtina girtî ku bi xizmên xwe re kirin de diyar kirin de jinên girtî diyar kir ku  tendirsutiya wan krîtîk e û êdî di meşê de zahmetiyan dikişînin. 

	 

	Girtiyan derbarê rewşa xwe de wiha got:  

	 

	*Kîbriye: Min di hefteya borî de dest bi kuxikê kir. Ez vereşiyam û bi vereşandina min re jî xwîn hat. Ez gelek diwestim, serê min û hestiyên min diêşin, bê xwiyê dikişînim û di warê meşê de jî zahmetiyan dikişînim. 

	 

	*Evîn Kaya: Herdaîm ji roviyên min xwîn tê. Di rojên dawî de nikarin vexwarinê bi kar bînim, nikarim bimeşim û rewşa min krîtîk e. 

	 

	*Derbarê rewşa Hîlal Olmez ku ku cezyê ragihandinê lê hatiye birîn de jî hevalên wê ev tişt ragihandin: Pirsgirêkên roviyan dijî, roviyên wê naxebitin û ji ber vê jî pirsgirêka qevzbûnê dijî. 

	 

	Xizmên gitiyan ku bal kişandin ser rewşa Kîbriye, Evîn û Hîlalê gotin ku her sê girtiyan jî gotine em mudaxeleya bijîşkan red dikin. 

	 

	Herwiha ji jinên gitî Mehtap a ku paşnavê wê nehat zanîn û Zulfuye Kîşmîr ku 39 roj in di grevê de ne jî rewşa tendirustya wan ber bi xirabûnê ve diçe û hat ragihandin ku pirsgirêka bêhaliyê dijîn. Herwiha hat ragihandin ku Zulfiye û Mehtap ji ber 40 rojên çalakiya xwe danegirtine ji laiyê rêveberiya girtîgehê ve ji wan re vîtamîna B12 jî nayê dayîn.