Li Edeneyê tundiya mêr: 3 kes hatin qetilkirin 

2019-04-08 11:59:39


	 

	EDENE - Li Edeneyê Mehmet O., hevjîna xwe Ayla O., baldûza xwe û bûrayê xwe kuşt û xesûya xwe jî birîndar kir. 

	 

	Li Edeneyê Mehmet O., ku di serdema dev ji hev berdana hevjîna xwe Ayla O., de ye û baldûza xwe Reyhan û bûrayê xwe Îzzet Bahrî Î. kuşt û xesûya xwe Hacer Î. jî birîndar kir. Li gorî agahiyên hatin bidesxistin; li Navçeya Seyhana Edeneyê Mehmet O., bi malbata xwe re nîqaş kir. Nîqaş mezin bû û Mehmet O., demançeya bi xwe re digerand derxist û hevjîna xwe Ayla O., xesûya xwe Hacer Î., baldûza xwe Reyhan Î. û bûrayê xwe Îzzet Bahrî Î. gulebaran kir. Cîranên ku bûyerê bihîstin agahî dan polîs û ekîbên tenduristiyê. Mehmet O., jî ji cihê bûyerê reviya. 

	 

	Bi ambulansan birîndaran rakirin nexweşxaneyê û tevî hemû hewldana bijîşkan jî Ayla O., Rehyan û Îzzet Bahrî Î. jiyana xwe ji dest dan. Dermankirina Hacer Î., jî li nexweşxaneyê dewam dike.

	 

	Polîsan der barê bûyerê de lêpirsîn da destpêkirin û ji bo kujer Mehmet O., bigire dest bi xebatê kir.