
4'emîn Mihrîcana Şanoya Yekta Herekol berdewam dike 

2019-03-31 10:10:36


	&nbsp;

	QAMIŞLO - Bi boneya roja şano ya cîhanî û salvegera Şehîd Yekta Herekol 4'emîn mihrîcana şano di roja xwe ya sêyem de berdewam dike.

	&nbsp;

	Bi boneya roja şano ya cîhanî û salvegera şanoger Şehîd Yekta Herekol &nbsp;tevgera TEV-ÇAND'ê &nbsp;4'emîn mihrîcana şano li dar xist, &nbsp;mihrîcan di roja sêyem de li çand û hûnera Mihemed Şêxo ya bajarê Qamişloyê berdewam dike. Bi tevlîbûna Sazî û dezgehên sivîl &nbsp;û Rêveberiya Xweseriya Demokratîk, Endamên Çand û hunera Şehba, Reqa, Cizîr, Kobanê mîhrîcan didome.&nbsp;

	&nbsp;

	Di berdewamiya mihrîcana di roja sêyem koma Lîlon Şanoya ' Çiyayê Kurmênc' pêşkêş kirin. Têkildarî mijarê Rêveberiya Komîna Şano û endama komîteya amadekar ya 4’emîn mihrîcana şanoyê li &nbsp;Rojhilat û Bakûrê &nbsp;Sûriyeyê Gulnaz Derwîş ji ajansa me re axivî.

	&nbsp;

	Gulnaz diyar kir ku mihrîcan bi awayekî baş li gorî hêviyên wan derbas dibe û wiha got: "Di nava mihrîcanê de wê 9 şano werin pêşkêş kirin, koma pêkhateyên ereb ya bajarê Reqayê yê jî wê şanoya xwe pêşkêş bike, armanca me ya sereke ku êş û berxwedana gelê Efrînê û heta roja îro berdewam dike nîşan bidin."

	&nbsp;

	Piştî ku şano bi dawî dibe, nîqaş, rexne û pêşinyar li ser şanoya ku hate pêşkêşkirin ji aliyê temaşevanan ve tê kirin. Mihrîcan heta 7'ê nîsanê dê bidome, her roj şanoyên cuda tên pêşkêş kirin.

	&nbsp;