
92 kesên Ewrûpî dê hilbijartinê bişopînin 

2019-03-30 16:56:10


	&nbsp;

	AMED - Li ser vexwendina HDP’ê heyeta ji 92 kesan pêk tê ku ji welatên Ewrûpa hat Tirkiyeyê dê li gelek bajarên herêmê çavdêriya hilbijartina xwecihî bike û encaman bişopîne.&nbsp;

	&nbsp;

	Parlamenterên Partiya Kesk a Federala Elmanya, Koma Partiya Çep a Hamburgê û rêxistinên ciwanan, Parlamenterên Partiya Demokratên Sosyal a Swêdê, Endamên Komeleya AVK’ê ya Îtalya, endamên sendîkaya COBAS’ê, endamên Koma Dostane ya Îngilîstanê, endamên Partiya Çep a Fransayê, endamên Komeleya Dostaniya Kurdan a Birîtanya, endamên Koma Piştevaniya Norveçê, endam û rêveberên Partiya Kizil, Serok û parlamenterên Partiya Çep a Swêdê û endamên Delegasyona Zurîhê di nava heyetê de cih digirin ji bo şopandina hilbijartina herêmî berê xwe dan herêmê.&nbsp;

	&nbsp;

	Li gorî organîzasyona Komîsyona Têkiliyên Derve ya HDP’ê kir, dê endamên heyetê li bajarên wek Sêrt, Êlih, Mêrdîn, Şirnex, Amed, Riha, Çewlîg, Dersim, Xarpêt, Wan, Colemêrg, Bedlîs û navçeyên van bajaran hatin wezîfedarkirin.&nbsp;

	&nbsp;

	14 kes hatin dersînorkirin&nbsp;

	&nbsp;

	Hevberdevka Komîsyona Têkiliyên Derve ya HDP’ê û parlamentera Êlihê Feleknas Uca der barê xebatên birêve birine de agahî dan û bal kişand ser girîngiya hilbijartinê. Feleknas anî ziman ku ji endamên heyetê 14 kes hatin dersînorkirin. Feleknas got heyet ji bo piştevaniya bi Gelê Kurd re hatine bajarên wan.&nbsp;