
Dayikên Şemiyê li aqûbeta rojnameger Nazim Babaoglu pirsîn 

2019-03-30 14:41:34


	&nbsp;

	STENBOL – Dayikên Şemiyê vê hefteyê aqûbeta nûçegihanê Ozgur Gundemê Nazim Babaoglu yê di 12’ê Adara 1994’an de hat binçavkirin û windakirin pirsîn.&nbsp;

	&nbsp;

	Dayikên Şemiyê bi boneya aqûbeta windayan bipirsin û faîl bên darizandin di hefteya 731’emîn de carek din xwestin li Qada Galatasarayê çalakiya xwe ya heftane li dar bixin. Polîsan carek din Dayikên Şemiyê asteng kir û nehiştin biçin qadê. Li ser vê yekê Dayikên Şemiyê li ber avahiya Şaxa ÎHD’ê ya Stenbolê çalakiya xwe pêk anî. Xizmên windayan wêneyên windayan hildan û tîşortên wêneyên windayan li ser li xwe kirin û qurnefilan dan destên xwe. Vê hefteyê li aqûbeta nûçegihanê Ozgur Gundemê Nazim Babaoglu yê di 12’ê Adara 1994’an de hat binçavkirin û windakirin pirsîn.&nbsp;

	&nbsp;

	‘Bila edalet pêk bê'&nbsp;

	&nbsp;

	Daxuyaniya vê hefteyê xwişka Hasan Ocak ê di 1995’an de hat windakirin Masîde Ocak xwend. Ocak got Qada Galatasarayê 32 hefteye li wan hatiye qedexekirin û nikarin li qadê mafên jiyanê biparêzin. Masîde anî ziman ku bila bêcezabûna di dosyeya Nazim Babaoglu de bi dawî bibe û edalet pêk were. Masîde diyar kir ku rojnamegerên li ser vê axê rastiyê ragihandin û binpêkirina mafan eşkere kirin li ser fermana rêveberên dewletê hatin kuştin û Babaoglu jî bi boneya nûçeyên binpêkirina mafan çêkir hedef hat nîşandan.&nbsp;

	&nbsp;

	'Bêyî gora kurê xwe bibînê koç kir'

	&nbsp;

	Masîde bi bîr xist ku li gel Nazim Baboglu, rojnameger Huseyîn Denîz û Kemal Kiliç jî hatin windakirin û kuştin û wiha got: “Di wan salên ku agir dibariya û xwîn diherikî rojnamegeran terkî mirinê dikirin.” Masîde bi bîr xist ku beriya dayika Babaoglu, Makbule Babaoglu jiyana xwe ji dest bide daxwaza wê ew bûye gora kurê xwe bibîne û bêyî ku gora kurê xwe bibîne di tebaxa 2017’an de çû ser dilovaniya xwe.&nbsp;

	&nbsp;

	‘Em hestiyên xwe dixwazin'&nbsp;

	&nbsp;

	Kurê Huseyîn Taşkaya yê di kanûna 1993’an de li Siwêrega Rihayê hat windakirin Şerîf Taşkaya jî behsa serpêhatiya bavê xwe kir û wiha axivî: “Em wek xizmên windayan hestiyên windayên xwe dixwazin.”&nbsp;

	&nbsp;

	‘Nazim hêj ciwan e'&nbsp;

	&nbsp;

	Pişt re nameya malbata Babaoglu ya şandin çalakiya Dayikên Şemiyê hat xwendin û di nameye de behsa Nazim Babaoglu hat kirin. Di nameyê de hat gotin heke Nazim nehata qetilkirin îro niha 44 salî bû û wek roja ku hatiye revandin ciwan e.&nbsp;