Seroka Şaxa ÎHD'ê ya Meletiyê tahliye bû 

2019-03-22 13:53:33


	 

	MELETÎ - Seroka Şaxa ÎHD'ê ya Meletiyê Gonul Ozturkoglu û rêveberê HDP'a Yeşilyurtê Aziz Dogan tahliye bûn. 

	 

	Seroka Şaxa ÎHD'ê ya Meletiyê Gonul Ozturkoglu û rêveberê HDP'a Yeşilyurtê Aziz Dogan ên di 27'ê Mijdara 2018'an de hatin binçavkirin û girtin, hatin berdan. 

	 

	Di 27'ê mijdarêde polîsan bi ser gelek malan de girtibûn û bi îdîaya "Endamtiya rêxistinê" Hevserokê HDP'ê yê Meletiyê yê berê Ozcan Agdaş, Hevseroka DBP'e ya Meletiyê Nermin Tuncel, Seroka Şaxa ÎHD'ê ya Meletiyê Gonul Ozturkoglu, Hevserokê HDP'ê yê Battalgazî Ahmet Aksu, Hevserokê HDP'ê yê Yeşilyurtê Aziz Doğan, Rêveberê HDP'ê yê berê Hasan Karvar û endamên HDP'ê Ahmet Turan Sertkaya hatibûn binçavkirin. Seroka ÎHD'ê Gonul Ozturkoglu û Hevserokê HDP'ê Azîz Dogan hatibûn girtin. 2'emîn danişîna doza wan li 2'emîn Dadgeha Cezayên Giran a Meletiyê hat dîtin û Seroka Şaxa ÎHD'ê ya Meletiyê Gonul Ozturkoglu û rêveberê HDP'a Yeşilyurtê Aziz Dogan tahliye bûn. 

	 

	Di 22'ê Sibatê de jî Nermin Tuncel û Ozcan Agdaş  di danişîna yekem de hatibûn berdan.