
Kemal Kurkut li ser gora xwe hat bîranîn 

2019-03-21 17:11:30


	&nbsp;

	MELETÎ - Kemal Kûrkût ku berî 2 salan di dema pîrozbahiya Newrozê de ya li Amedê ji aliyê polîsan ve hat kuştin, li ser gora xwe hat bîranîn.

	&nbsp;

	Xwendekarê zanîngehê Kemal Kurkut, 21'ê Adara 2017'an dema ku ji bo pîrozbahiya Newrozê ya li Amedê hewl dida derbasî nava qada pîrozbahiyê bibe ji aliyê polîsên tirk ve hatibû kuştin.

	&nbsp;

	Kemal li ser gora xwe ya li Goristana Toptaş a li navçeya Batalgazî ya Meletiyê hate bîranîn. Malbata Kemal, rêveberên HDP'ê yên bajar û navçeyan û gelek welatî tevlî merasîma bîranînê bûn. Hevserokê HDP'ê yê Meletiyê Kemal Gedîk li merasîmê axivî û got, "Kujer bi dilrehetî digerin. Dozeke vala vekirine û bi rengekî bêedalet ew berdane. Em vê yekê şermezar dikin û naxwazin êdî ciwanên me bên kuştin. Li dijî şer em daxwaza aştiyê dikin."

	&nbsp;