
Li Cizîrê tank û wesayetên zirxî ji coşa Newrozê re nebû asteng 

2019-03-21 14:17:00


	&nbsp;

	ŞIRNEX - Li Cizîrê Gelê Kurd qada Newrozê tije kir. Qada ku bi tank û wesayetên hat dorpêçkirin ji aliyê bi hezaran ve hat tijekirin. Ya ku herî zêde bal kişand rengîniya jinan û coşa ciwanan bû.&nbsp;

	&nbsp;

	Ji navnîşanên girîng ên ku agirê Newrozê lê geş dibe yek jê Şirnex e. Di pîrozbahiya Newrozê ya Şirnex û Cizîrê de bi hezaran kes hatin gel hevdu. Li Kuçeya Konaka Cizirî agirê Newrozê hat vêxistin.&nbsp;

	&nbsp;

	Gel bi dirûşmên "Bijî Newroz","Bijî berxwedana zindanan" ketin qada Newrozê. Coşa zarok û ciwanan bal kişand. Ciwanan her dirûşma "Bijî berxwedana zindanan" berz kirin.&nbsp;

	&nbsp;

	Her wiha di nokteya ketina qadê de polîsan jinek ku xavika kesk, sor û zer li serê wê bû negirt qadê. Gel guh neda dorpêçkirina polîsan û agirê Newrozê geş kir. Dê Parlamentera HDP'ê ya Şirnexê Nûran Îmir, Namzetên Hevserokatiyê yên Şaredariya Cizîrê Bêrîvan Kutlu, Mehmet Zirig dê biaxivin.&nbsp;

	&nbsp;

	Coşa girseyê ya qadê didome.&nbsp;

	&nbsp;

	Li Navenda Şirnexê pîrozbahiya bi coş

	&nbsp;

	Li Kuçeya Bahçelievler a Şirnexê gel agirê Newrozê hat vêxistin. Bi hezaran gel beşdarê pîrozbahiyê bûn.&nbsp;

	&nbsp;