
Ji bo Newroza Enqereyê Hêzên Ked û Demokrasiyê bang kirin 

2019-03-21 12:14:32


	&nbsp;

	ENQERE - Hêzên Ked û Demokrasiyê anîn ziman ku ew bi xwedîderketina çalakiya greva birçîbûnê ya bi hezaran girtiyên di girtîgehan de Newrozê pêşwazî dikin û gotin ew ji Newroza Qada Kolejê ya Enqereyê ya 24'ê Adarê gazî hemû kesan dikin.&nbsp;

	&nbsp;

	Di di 24'ê Adarê de li Qada Kolejê ya Enqereyê bi dirûşma "Bi coşa Newrozê em li dijî faşîzmê bi hev re têbikoşin" dê Newroz bê pîrozkirin. Têkildarî mijarê de Hêzên Ked û Demokrasiyê civîna çapemeniyê li dar xistin. Daxuyanî ji aliyê Rêveberiya HDP'ê ya Enqereyê Betul Koca ve hat xwendin.&nbsp;

	&nbsp;

	'Em ê berxwedana xwe bidomînin'

	&nbsp;

	Betulê got:"Em Zulkuf Gezen ê ku li Girtîgeha Tîpa F a Tekirdagê ji bo tecrîdê protesto bike dawî li jiyana xwe anî bi bîr tînin û em dibêjin ku em ê berxwedana xwe bidomînin."

	&nbsp;

	'Em ê bi rihê berxwedana Newrozê hêza xwe xurtir bikin'

	&nbsp;

	Betulê da zaînin ku tifaqa AKP-MHP'ê tenê êrîşî gelê Kurd nake û wiha got:"Tifaqa AKP-MHP'ê êrîşî hemû kesên dengê xwe derdixin, dike. Em ê bi rihê berxwedana Newrozê hêza xwe xurtir bikin û li dijî neheqiya tê kirin têkoşîna xwe bidomînin. Kesên ku êrîşî rengên cuda dikin dê negihêjin armanca xwe. Divê li dijî faşîzmê têkoşînek hevpar bê kirin."

	&nbsp;

	Betulê herî dawî wiha got:"Em ê Newrozê bi rihê lehengên têkoşer pîroz bikin. Em ê meşa xwe ya azadî, ked û têkoşînê bidomînin. Em ê bi hev re li dijî faşîzmê têbikoşin."&nbsp;

	&nbsp;

	&nbsp;

	&nbsp;