
Nisêbîna Rengîn piştî 3 salan şûnde wê li qada Newrozê be 

2019-03-19 09:19:10


	&nbsp;

	MÊRDÎN - Gelê Nisêbînê ku di pîrozbahiyên sala 1992’an de di hişan de cih girt û di qedexeya derketina derve ya navbera 2015-2016’an de gelek taxên wê hatin hilweşandin, niha piştî 3 salan şûnde wê Qada Newrozê ku abîdeya Newrozê jî lê bû û qeyûm hilweşand, lê &nbsp;bên cem hev. &nbsp;Nisêbîniyan diyar kirin ku ‘ew abîde çawa hat hilweşandin wê bê çiqandin jî’ û her kes vexwendin Newrozê.

	&nbsp;

	Gelê Nisêbînê ku ji bo pîrozbahiyên Newrozê bi lez û bez xebatên xwe dimeşînin, wê li Qada Newrozê ya sala borî abîdeya Newrozê lê hat hilweşandin, bên cem hev.&nbsp;

	&nbsp;

	Piştî du salên bi pevçûn, zext, dorpêç û hilweşînê derbas bû şûnde bi dehezaran kes li qada ligel Parka Cegerxwîn ya li taxa 8’ê Adarê hatibûn cem hev û agirê Newrozê yê Kawa gûr kiribûn. Piştî pevçûnan du sal şûnde gel li navçeyê agirê Newrozê pêxistibûn. &nbsp;Girseyî tevî dorpêç û mudaxaleya polîsan bi coş govend gerandibûn û dîsa bi dirûşmeyan pîrozbahî bi dawî kirin.

	&nbsp;

	Li şûna abîdeya Newrozê kuleya saetê hatibû çiqandin!

	&nbsp;

	Piştî pîrozbahiyê gel, berê xwe dabû Qada Newrozê ya lê abîdeya Newrozê hatibû hilweşandin. &nbsp;Gel dirûşmeyan ket qadê û zarokan ala ‘Newroz pîroz be’ li abîdeyê daliqandin. &nbsp;Piştî gel ji qadê derket abîde bi kepçeyan hat hilweşandin. &nbsp;Piştre kuleya saetê lê hat çiqandin.&nbsp;

	&nbsp;

	Piştî sê salan şûnde dîsa Qada Newrozê

	&nbsp;

	Înşata kuleya saetê ya ku gel bertekên mezin nîşanî wê dan, piştî mehan şûnde qedya. Tevî çêkirina kuleyê gel hîna herêmê wek ‘ Qada Newrozê û abîdeyê’ bi nav dike û piştî 3 salan şûnde wê dîsa ji Newrozê re malovaniyê bike.

	&nbsp;

	Gelê Nisêbînê ji bo Newrozê bang kir û gotin: “Ew abîde piştî pîrozbahiyan hat hilweşandin. &nbsp;Ev Newroz wê roja wê ya dawî be. Ji ber alên hatin daliqandin, hat hilweşandin. Lê em ê &nbsp;dîsa çêbikin û alan lê bidaliqînin.”

	&nbsp;