
Polîsa şahiya jinan asteng kir 

2019-03-09 16:36:38


	&nbsp;

	RIHA - Li Navçeya Serêkaniyê şahiya jinê ya ku hat xwestin li buroya hilbijartinê ya HDP'ê bê lidarxistin ji aliyê polîsan ve hat astengkirin.&nbsp;

	&nbsp;

	Li Navçeya Serêkaniyê ya Rihayê şahiya jinê ya ku bi boneya 8'ê Adarê hat xwestin li buroya hilbijartinê ya Partiya Demokratîk a Gelan (HDP) bê lidarxistin ji aliyê polîsan ve hat astengkirin. Jinên HDP'î yên ku li buroya hilbijartinê ya li Kolanana PTT'ê ya berê kom bûn û xwestin şahiyê li dar bixin bi mudaxaleya polîsan rû bi rû man. Li vir sinevizyona derbarê têkoşîna jinê de hat temaşekirin û piştre Parlamentera HDP'ê Saliha Aydeniz axivî. Dema ku hîn axaftin dewam dikir polîsên li ber derî xwestin têkevin hundur.

	&nbsp;

	Saliha û polîsên li derve nîqaş kirin. Polîs ji Saliha re got "Vira ne cumhuriyeta mûzê ye, ez nahêlim hûn li vir propagandaya PKK'ê bikin." û tehdît kir.&nbsp;

	&nbsp;

	Saliha jî bi bîr xist ku dewletê di serdema pêvajoya aştiyê bi Abdullah Ocalan re hevdîtin pêk aniye û axaftina xwe dewam kir.&nbsp;

	&nbsp;

	Di dema dorpêçkirina polîsan de Endamê Meclîsa Serêkaniyê yê HDP'ê Mehmet Şirin Şemsitoglu hat binçavkirin.&nbsp;

	&nbsp;

	&nbsp;