Li Dêrsimê çalakî hatin qedexekirin 

2019-02-14 12:52:45


	 

	DÊRSIM - Walîtiya Dêrsimê, bi hinceta çalakiyên ji bo piştevaniya bi çalakiya Leyla Guven re ku di greva birçîbûnê de tên lidarxistin, hemû çalakiyên ku bên lidarxistin heta 5 rojan qedexe kirin. 

	 

	Walîtiya Dêrsimê bi hinceta ku ji bo piştevaniya bi Hevseroka Kongreya Civaka Demokrtîk (KCD) û parlamentera Partiya Demokratîk a Gelan HDP'ê Leyla Guven ku di roja 99'emîn de berdewam dike tên lidarxistin û meşa parlamenteran a bi dirûşma "Di roja 100'emîn de em ê bi Leylayê re tecrîdê bişkînin" ji bo 5 rojan hemû çalakiyên ku bên lidarxistin heta 5 rojan qedexe kirin 

	 

	Li gorî biryara Walîtiyê, hemû civîn, daxuyanî û çalakiyên rûniştinê ku di navbera 13-18'ê mehê de bên lidarxistin hatin qedexekirin. 

	 

	Parlamenterên HDP'ê, bi minasebeta roja 100'emîn a çalakiya Leylayê  ji 15 bajaran meş dabû destpêkirin û li bendê ye ku meşa hat destpêkirin sibe (15'ê Sibatê) saet di 12.00'an de bi daxuyaniyeke li Amedê li ber mala Leyla Guven bê lidarixstin bi dawî bikin.