Meşa Jinên Ciwan bi dawî bû 

2019-02-11 17:36:01


	 

	KOBANÊ - Meşa ku bi dirûşma "Bi rihê Arîn Mîrkan, em ê dîwarên Îmraliyê parçe bikin" ciwanên Herêma Firatê li dijî komploya 15'ê Sibatê dest pê kiribûn, bi dawî bû.  

	 

	Yekîtiya jinên ciwan ên Rojava bi dirûşma "Bi rihê Arîn Mîrkan, em ê dîwarên Îmraliyê parçe bikin"  li dijî komploya 15'ê Sibatê meş dabû destpêkirin. Meşa ku bi dirûşma "Bi rihê Arîn Mîrkan, em ê dîwarên Îmraliyê parçe bikin" ciwanên Herêma Firatê li dijî komploya 15'ê Sibatê dest pê kiribûn, li Gundê El-Pelorê bi dawî bû.  

	 

	Meş li gundê El-Pelorê bi deqeyek rêzgirtin rawestiya. Paşê li ser navê berdevkên jinên ciwan ên Bakur û Rojavayê Sûriyê Jînda Munzir û Leyla Elbid axivîn û gotin ku ew tecrîdê şermezar dikin û heta tecrîd bi dawî bibe ew ê li ser piya bin. 

	 

	Jinda Munzur got:"Tecrîda li ser Rêber Apo li ser me ye. Heta tecrîd bi dawî bibe em dev ji têkoşîna xwe bernadin."

	 

	Leyla Elbid a ji bajarê Reqayê wiha got: "Bi rihê berxwedaniya jinê em ê rêber Apo  azad bikin û bijîn."

	 

	Meş bi dirûşma "Bijî Serok Apo" bi dawî bû. Sibehê jî dê meşa Ciwanan li navçeya çelebiyê a Kantona Kobanê dest pê bike û sê rojan dewam bike.