
Parlamenterên HDP’ê dimeşin Qada Galatasarayê 

2019-02-11 13:41:30


	&nbsp;

	STENBOL - Tevî astengiya polîsan jî wekîlên HDP’ê ji Qada Taksîmê ber bi Gada Galatasarayê ve dimeşin.&nbsp;

	&nbsp;

	Hevserokên Giştî yên HDP’ê Pervîn Buldan û Sezaî Temellî jî di nav de wekîlên HDP’ê xwestin li dijî tecrîdkirina Rêberê PKK’ê Abdullah Ocalan û ji bo piştgiriya çalakiya Hevseroka Kongreya Civaka Demokratîk û Parlamentera HDP’ê Leyla Guven meş li dar bixin. Polîsan meşa HDP’iyan a ji Qada Taksîmê heta Qada Galatasarayê asteng kir.&nbsp;

	&nbsp;

	Parlamenterên HDP’ê bi daxuyanî û çalakiya rûniştinê astengiya polîsan protesto kirin. Piştî çalakiya rûniştinê wekîlên HDP’ê li ber Otela Hîl a li Qada Taksîmê kom bûn û ji Qada Taksîmê ber bi Qada Galatasarayê bi pankarta “Leyla Guven rûmeta me ye” dest bi meşê kirin.&nbsp;

	&nbsp;

	Meş carekedin hat astengkirin

	&nbsp;

	Wekîlên HDP’ê bi berzkirina dirûşmên “Leyla Guven rûmeta me ye”, “Bijî berxwedana zîndana" û "Jin, jiyan, azadî" meşiyan. Hin welatiyan jî piştgirî da parlamenteran. Meşa parlamenteran li ber Qada Galatasarayê ji aliyê polîsan ve hat astengkirin. &nbsp;

	Di kêliya astengiyê de Parlamentera HDP’ê ya Êlihê Ayşe Acar Başaran axivî û wiha got: “Biçin silav li wezîrê xwe Suleyman Soylu bikin.” Polîsan xwest tîşortên wêneyê Leyla li ser dester bike. Lê parlamenteran bertek nîşan da û tîşort nedan polîsan.&nbsp;

	&nbsp;

	Ber bi Tarlabaşiyê ve meş

	&nbsp;

	Piştî astengiya li ber Qada Galatasarayê, parlamenteran vê carê ketin Sûka Balikçilarê û ber bi avahiya Rêxistina HDP’a Stenbolê ya li Semta Tarlabaşiyê ye ve meşiyan. Parlamenter &nbsp;bi berzkirina sloganan gihîştin avahiya HDP’ê û ji aliyê welatiyan ve bi çepikan hatin pêşwazîkirin.&nbsp;

	&nbsp;

	Avahiya HDP’ê ji aliyê polîsan ve hat dorpêçkirin.&nbsp;

	&nbsp;

	&nbsp;

	&nbsp;