
Zarokên ku bêriya lîstikên li Efrînê dikin 

2019-02-09 09:08:50


	&nbsp;

	Hesna Mihemed

	&nbsp;

	ŞEHBA - Zarokên Efrînê yên ku li Şehbayê bi cih bûne û di bin xaniyên hilweşandî hem dilîzin hem jî perwerdeya dibistanê dibînin, tînin ziman ku ew bêriya lîstikên li Efrînê dikin û dibêjin ku ew dixwazin Efrîn rizgar bibe û dîsa lîstikên xwe li wir bilîzin.&nbsp;

	&nbsp;

	Piştî êrîşên dewleta tirk û komên girêdayî wê bi hezaran welatiyên Efrînê li kampên Şehbayê bi cih bûn. Gelê Efrînê yê ku li Şehbayê bi cih bûne tevî hemû zehmetiyan û derfetên kêm têkoşîna jiyanê didin. Yên ku herî zêde ji êrişan bi bandor bûn jî zarok bûn. Zarokên Efrînê yên ku bûn şahidên êrîş û tundiyên mezin anîn ziman ku ew dixwazin vegerin mala xwe ya li Efrînê û Efrîn bê rizgarkirin.&nbsp;

	&nbsp;

	'Min bêriya lîstikên xwe yên li Efrînê kiriye'

	&nbsp;

	Zaroka bi navê Rîme Îsa hestên xwe wiha anî ziman:"Pêlîstokên ku li Efrînê min pê dilîst li Efrînê man. Min bêriya lîstik û pêlîstokên xwe yên li Efrînê kiriye. "

	&nbsp;

	'Em dixwazin vegerin mala xwe ya li Efrînê'

	&nbsp;

	Zaroka bi navê Hesna Cemîl wiha got:"Em weke zarok dixwazin ku vegerin mal û dibistanên xwe yên li Efrînê. &nbsp;Em niha li Şehbayê dijîn gelek nexweşî di nav me de belav bûne. Ez û hevalên xwe li ser xaniyên ku &nbsp;hilweşîne dilîzin û wêneyan xêz dikin, lê weke zarok xwesteka me ew e ku em vegerin mala xwe û bi pêlîstokên xwe bilîzin."

	&nbsp;

	'Em li ser xaniyên hilweşiyayî dilîzin'

	&nbsp;

	Zaroka bi navê Gulê Birko jî wiha dibêje: "Em li ser xaniyên hilweşî dilîzin. Ez û keça apê xwe bi hev re dilîzin. Em dixwazin dîsa em bi pêlîstokên xwe yên li Efrînê bilîzin."&nbsp;

	&nbsp;

	&nbsp;

	&nbsp;

	&nbsp;