
Çalakiya nobetê ya HDP'ê di roja 7'emîn de didome  

2019-02-06 14:52:28


	&nbsp;

	AMED - Çalakiya nobetê ya li avahiya KCD’ê ji bo piştevaniya Hevseroka KCD’ê Leyla Guven û girtiyan di roja 7’emîn de didome. &nbsp;

	&nbsp;

	Çalakiya greva birçîbûnê ya Hevseroka Kongreya Civaka Demokratîk (KCD) û Parlamentera Partiya Demokratîk a Gelan (HDP) a Colemêrgê Leyla Guven bi daxwaza rakirina tecrîdkirina Rêberê PKK’ê Abdullah Ocalan 91 roj in berdewam dike. Leyla piştî hat berdan greva birçîbûnê li mala xwe ya li Amedê didomîne.

	&nbsp;

	Her wiha dîsa bi heman daxwazê 291 girtiyên li girtîgehên cuda çalakiya greva birçîbûnê ya bêdawî û bêdorveger didomînin.&nbsp;

	&nbsp;

	Bi armanca piştevaniya bi çalakiya Leyla Guven re û girtiyan parlamenterên HDP’ê di 31’ê çile de li avahiya KCD’ê çalakiya nobetê dabûn destpêkirin. Çalakiya nobetê di roja 7’emîn de didome. Parlamenterê HDP’ê yê Amedê Garo Paylan û Parlamentera HDP’ê ya Stenbolê Huda Kaya çalakiya nobetê ya îro dewr girtin.&nbsp;

	&nbsp;

	Rêveberên Kongreya Îslamî ya Demokratîk (KÎD) jî di nav de gelek nûnerên sazî û dezgehan parlamenterên HDP’ê ziyaret kirin.

	&nbsp;

	Leyla Guven ewil bi rêya dîmen peyamên xwe bi ziyaretvanan re parve dikir. Lê ji ber rewşa tenduristiya wê xerab dibe nikare peyamên xwe parve bike.&nbsp;

	&nbsp;