
TJA: Tecrîd ji bo çaerserkirina pirsgirêka kurd bi riya aştiyane asteng e 

2019-02-05 15:19:28


	&nbsp;

	AMED - TJA ji bo balê bikişîne ser çalakiya greva birçîbûnê ya Leyla Guven a li dijî tecrîdê ku 3 meh li dû xwe hiştin, kampanyaya îmzeyan da destpêkirin. Di çarçoveya kampanyaya ku hat destpêkirin de hat diyarkirin ku 10 hezar û 500 îmze hatine komkirin û kampanya berdewam dike.

	&nbsp;

	Tevgera jinên Azad (TJA) ji bo balê bikişîne ser çalakiya greva birçîbûnê ya Hevseroka Kongreya Civaka Demokratîk (KCD) û parlamentera Partiya Demokratîk a Gelan (HDP) ya Colemêrgê Leyla Guven ku li dijî Tecrîda li ser Rêberê PKK'ê Abdullah Ocalan daye destpêkirin ku 3 meh li dû xwe hiştin û ya girtiyên di girtîgehan de ku bi heman armancê hatiye destpêkirin daxuyaniyek nivîskî da. &nbsp;TJA'yê di daxuyaniya xwe de diyar kir ku wan li ser http://change.org, ji bo kampanyaya îmzeyan a navneteweyî dane destpêkirin û heta niha ji 10 hezar û 500 îmze zêdetir hatine komkirin. &nbsp;

	&nbsp;

	Di daxuyaniyê de wiha hat gotin:&nbsp;

	&nbsp;

	"Leyla Guven li dijî tecrîda li Îmraliyê ku li ber çavên tevahiya cîhanê tê meşandin tendirûstiya xwe daniye holê û polîtîkayên dewleta zilmkar teşîr dike. Ji destpêka çalakiya Leyla û vir de li gitîgehên cuda cuda nêzî 300 girtiyan jî dest bi çalakiya greva birçîbûnê kirine û çalakiya xwe berdewam dikin.

	&nbsp;

	Ev tecrîd di heman demê de destpêka pêvajoya faşîzan a AKP'ê ye. Di vê pêvajoyê Rewşa Awarte hatiye îlankirin û êrîşên curbicûr ên di asta qedexekirina jiyanê de hatine kirin. Ev tecrîda ku li dijî hiqûqa neteweyî û navneteweyî ye di heman demê de êrîşa li dijî biheverebûna gelên Tirkiyeyê ye û astengiya li dijî çareserkirina pirsgirêka kurd e. Dewletê bi tercrîdkirina birêz Abdullah Ocalan re rê li ber çareseriya aştiyane ya ji bo pêşerojê girtiye."

	&nbsp;

	Herwiha di daxuyaniyê de derbarê kampanyayê de lînka https://www.change.org/p/leyla-guven-petition-for-leyla-guven jî hat parvekirin.

	&nbsp;

	&nbsp;

	&nbsp;