
Serlêdana ji bo hevdîtina bi Abdullah Ocalan re hat redkirin 

2019-02-01 14:55:24


	&nbsp;

	STENBOL – Dozgeriya Bursayê serlêdana daxwaza hevdîtina parêzerên Abdullah Ocalan a 786’emîn red kir. Îro jî malbatan ji bo hevdîtinê serî li dozgeriyê dan.&nbsp;

	&nbsp;

	Ji parêzerên Rêberê PKK’ê Abdullah Ocalan, Mazlum Dînç, Raziye Ozturk, Serbay Koklu û Cengîz Çîçek bi boneya bi miwekîlên xwe re hevdîtin bikin duh serî li Serdozgeriya Komarê ya Bursayê dabûn. Serdozgeriyê serlêdana parezeran cara 786’emîn red kir.&nbsp;

	&nbsp;

	Parêzer ji 27’ê Tîrmeha 2011’an ve bi hêcetên cuda nikarin hevdîtinê bi Abdullah Ocalan re bikin.

	&nbsp;

	Malbatan serî li dozgeriyê da

	&nbsp;

	Îro jî malbata Abdullah Ocalan, Mehmet Ocalan û Fatma Ocalan û wasiyê wî Mazlum Ocalan ji bo hevdîtina heftane bi rêya parêzeran serî li dozgeriyê dan.&nbsp;

	&nbsp;

	Malbatên girtiyên din Hamîlî Yildirim, Omer Hayrî Konar û Veysel Aktaş ên li Îmraliyê dimînin jî bi rêya parêzeran ji bo hevdîtinê serî li dozgeriyê dan.&nbsp;

	&nbsp;

	Birayê Abdullah Ocalan, Mehmet Ocalan ji 11’ê Îlona 2016’an vir ve yekem car di 12’ê çile de hevdîtinek pêk anîbû. &nbsp;