
Li 3 navçeyên Amedê bi ser 37 mal û axuran de hat girtin 

2019-01-31 15:33:33


	&nbsp;

	AMED - Li navçeyên Farqîn, Pasûr û Hênê leşkeran avêt ser gelek gundên çolterê û bi ser 37 mal û gelek axuran de girtin. Di serdegirtinê de welatiyê bi navê H.A. ji ber wêneyê li mala wî daliqandîbû hat binçavkirin.&nbsp;

	&nbsp;

	Di çarçoveya operasyona leşkerî ya li herêma çolterên navçeyên Farqîn, Pasûr û Hênê de ku di 29’ê çile de pêk hatibû leşkeran avêtibû ser gelek gundan û bi ser 37 mal û axuran de girtin. Hat ragihandin di serdegirtina malan de kontrola nasnameya welatiyan hat kirin û alavên malan hatin serobinkirin.&nbsp;

	&nbsp;

	Di serdegirtina gundê Bahemdê yê Pasûrê de welatiyê bi navê H.A. bi hincet wêneyek endamek HPG’ê li mala wî daliqandibû û bi îdaya “propaganda rêxistinê kiriye” hat binçavkirin. Hat zanîn ku H.A. birine Fermandariya Cendermeyan a Pasûrê.&nbsp;