
Li Qamişloyê çalakiya konê greva birçîbûnê dest pê kir 

2019-01-28 15:48:48


	&nbsp;

	QAMIŞLO - Bi pêşengiya Kongreya Star a Kantona Qamişloyê çalakiya konê gireva birçîbûnê ji bo piştgiriya Leyla Guven dest pê kir.

	&nbsp;

	Parlamentera HDP'ê ya Colemêrgê û Hevseroka KCD'ê Leyla Guven ji bo tecrîda giran a li ser Rêberê PKK'ê Abdullah Ocalan bi dawî bibe dest bi greva birçîbûnê kiribû. Çalakiya greva birçîbûnê ya Leyla Guven ket roja 82'an. Bi pêşengiya Kongreya Star a Kantona Qamişloyê ji bo piştgiriya çalakiya Leyla Guven, çalakiya konê gireva birçîbûnê dest pê kir. Bi dirûşma “Bi rihê berxwedana zindana em ê tecirîdê bişkînin” Kongreya Star a Kantona Qamişloyê çalakiya konê gireva birçîbûnê dest pê kir. Çalakî dê sê rojan bidome. Konê grevê li pêşiya navenda Neteweyên Yekbûyî ya bajarê Qamişloyê hat vedan.

	&nbsp;

	Bi tevlîbûna endamên komîn, Meclis, Sazî û rêxstinên sivîl û Rêveberiya Xweseriya Demokratîk çalakiya konê greva birçîbûnê dest pê kir. Konê çalakiyê bi wêneyên Rêberê PKK'ê Abdullah Ocalan, Leyla Guven û alên Kongreya Star hat xemilandin. Piştî deqeyek rêzgirtin, axaftin ji aliyê dayîka têkoşer Orhan Ayida Xelîl hat kirin. Ayidayê xêrhatina tevahî kesên amade bûn kir û got em ê heta dawiyê piştgiriya berxwedana Leyal Guven bikin.

	&nbsp;

	Her wiha daxuyanî ji aliyê Rêveberiya Kongreya Star a Kantona Qamişloyê Xaliya Necar ve hat xwendin.&nbsp;

	&nbsp;

	Daxuyanî wiha ye:

	&nbsp;

	"Ji bo weke jinek kurd daxwazên îradeya bi milyonan Leyla Guven pêk were me dest bi çalakiya konê greva birçîbûnê kiriye. Divê tecrîda giran a li ser Abdullah Ocalan bi dawî bibe. Em ê jî heta dawiyê piştigiriyê bidin çalakiya Leyla Guven. Daxwaza Leyla Guven daxwaza me ye."

	&nbsp;

	Çalakiya konê greva birçîbûnê dewam dike.&nbsp;

	&nbsp;

	&nbsp;

	&nbsp;&nbsp; &nbsp;

	&nbsp;

	&nbsp;