Li Gebzeyê Miclisa Cwanan a HDP'ê hat avakirin 

2019-01-27 12:09:31


	 

	STENBOL - Meclîsa Ciwanan a HDP'ê ya Gebzeyê bi şahiyekê avakirina xwe îlan kir. 

	 

	Meclîsa Ciwanan a Partiya Demokratîk a Gelan (HDP) ya navçeya Gebzeya Kocaeliyê, bi şahiyekê avakirina xwe îlan kir. Şahî li avahiya HDP'ê pêk hat. Li salona şahiyê pankarta “Bijî berxwedana zindanan” hat vekirin. Gelek welatî tev li şahiyê bûn.

	 

	 Ciwanan di şahiya li dar xistin de diyar kirin ku îktîdara serdest û kapitalist, li dijî nirxên gelan, xweza, ekolojî, çand, ked, jin, ciwan û hemû hebûnê êrîş û şerekî dijwar daye destpêkirin. Ciwanan anîn ziman ku wekekî meclisa ciwanan duh li dijî teslîmiyetê li ber xwe dan û dê îro jî li ber xwe bidin. Ciwanan piştî daxuyaniyê avakirina meclisa xwe îlan kirin.