
Rêxistinên hiqûqê:Divê li dijî tecrîdê gav bên avêtin 

2019-01-25 16:39:42


	&nbsp;

	STENBOL - Rêxistinên hiqûq û mafên mirovan têkildarî tecrîda li Îmraliyê û grevên birçîbûnê yên li girtîgehan didomin daxuyanî dan û gotin: “Înfaz û tecrîda li Îmraliyê li dijî qanûnê ye. Divê demil dest dawî li tecrîdê bê anîn û gav bên avêtin.”&nbsp;

	&nbsp;

	Platforma Hiqûqnasên Azadîxwaz (OHP), Komeleya Hiqûqnasên Azadîxwaz (ÇHD) a bi KHK’ê hat girtin, Ji bo Demokrasiyê Hiqûqnas (DÎH), Komeleya Mafên Mirova (ÎHD), Parêzerên Beşdar, Parêzerên Azadîxwaz ên Demokrat (TOHAV), têkildarî tecrîdkirina Rêberê PKK’ê Abdullah Ocalan û grevên birçîbûnê li avahiya ÎHD’ê ya Stenbolê civîna çapemeniyê li dar xistin.&nbsp;

	&nbsp;

	'Leyla li dijî nepêkanîna hiqûqê çalakî da destpêkirin'

	&nbsp;

	Li ser navê saziyan parêzer Yildiz Îmrek daxuyanî xwend. Yildiz diyar kir ku Leyla Guven li dijî bêhiqûqiyê û nenasîna qanûn a desthilatdariyê canê xwe daniye holê. Yeildiz da zanîn ku çalakiya Leyla Guven gihîştiye asta sînorê mirinê û got: “Leyla Guven li dijî têcrîdkirina Ocalan, pêkanînên li Îmraliyê û rejîma veguheriye Guantanamo û ji bo balê bikişîne ser bêhiqûqiya li ser mirovan mafê xwe yê jiyanê daniye holê.”&nbsp;

	&nbsp;

	‘Rejîma Îmraliyê dijqanûnî ye’&nbsp;

	&nbsp;

	Yildiz destnîşan kir ku rejîma înfaza li Îmraliyê li ser Ocalan pêk tê li dijî qanûnan û hiqûqê ye û got: “Bi qasî ku înfaz û tecrîda li Îmraliyê li dijî qanûnê ye, di heman demê de li dijî Dadgeha Destûra Bingehîn û hemû peymanên navnetewî ye. Em jî wek Leyla Guven difikirin û bila demil dest malbat, parêzer û wasî li Îmraliyê &nbsp;hevdîtinê pêk bînin. Astengkirina hevdîtinê li dijî qedexeyan e.”&nbsp;

	&nbsp;