
TJA’yê piştgirî da nobeta li dijî JES’ê ya li Gimgimê

2026-11-09 21:53:41


	&nbsp;

	MÛŞ - Çalakiya nobetê ya li dijî projeya santrala jeotermal a li Gimgimê di roja 190’emîn de berdewam dike. Aktivîstên TJA’yê ji bo piştgiriyê serdana cihê çalakiyê kirin.

	&nbsp;

	Çalakiya nobetê ya ku ji aliyê Meclîsa Ciwanan a Platforma Ekolojiyê ya Gimgimê ve li dijî projeya Santrala Jeotermal ya ku ji aliyê IGNIS H2 Energy Production Inc. ya li Dewletên Yekbûyî yên Amerîkayê ve li gundê Xwarik ê navçeya Gimgimê ya Mûşê tê plankirin bê destpêkirin, ketiye roja 190’emîn.

	&nbsp;

	Aktivîstên Tevgera Jinên Azad (TJA) ji bo hevgirtinê serdana cihê çalakiyê kirin, li wir pankartek bi nivîsa "Gelê Vartoyê santrala jeotermal naxwaze. Dest nede ava min, axa min" hate hilgirtin.

	&nbsp;

	Çalakiya nobetê ya ku ji aliyê gundê Mengel ve hatiye dewrgirtin, berdewam dike.

	&nbsp;